واشنگٽن -10 سيپٽمبر (اي پي پي) آمريڪا ۾ پاڪستان جي سفير رضوان سعيد شيخ آمريڪ?? ڪانگريس جي ميمبر اليگزينڊر گرين کي ٻنهي ملڪن وچ ۾ سفارتي ۽ اقتصادي لاڳاپن کي هٿي وٺائڻ ۽ اسلامو فوبيا کي منهن ڏيڻ ۾ اهم ڪردار ادا ڪرڻ تي اهم اعزاز ستاره خدمت سان نوازيو. هن کي اهو ايوارڊ پاڪستاني سفارتخاني ۾ گذريل ڏينهن منعقد هڪ خاص تقريب ۾ ڏنو ويو. تقريب ۾ ڪانگريس ميمبر رينڊي ويبر، هنري ڪيولر، اڳوڻ?? ڪانگريسي ميمبر نڪ ليمپسن، ٽيڪساس اسٽيٽ جي نمائندي سليمان لالاڻي، ٽيڪساس ۽ واشنگٽن ميٽرو پوليٽن ايريا مان سفارتڪارن ۽ مشهور شخصيتن، پاڪستان ڄاون آمريڪي برادري جي ميمبرن شرڪت ڪئي. پاڪستاني سفير رضوان سعيد شيخ تقريب کي خطاب ڪندي چيو ته اڄ اسان هتي هڪ غير معمولي شخصيت جي خدمتن کي تسليم ڪرڻ لاءِ گڏ ٿيا آهيون جنهن جي شراڪت سان پاڪستان ?? آمريڪا وچ ۾ دوست?? کي نمايان طور تي مضبوط ڪيو ويو آهي. هن چيو ته مختلف فورمز تي پاڪستان جي مثبت تاثر کي هٿي ڏيڻ لاءِ اوهان جي اڻٿڪ ڪوششن ٻنهي ملڪن وچ ۾ سفارتي ۽ اقتصادي لاڳاپن کي مضبوط بڻائڻ ۾ اهم ڪردار ادا ڪيو آهي. هن 2022ع ۾ تباهي پکيڙيندڙ ٻوڏ دوران آمريڪي ڪانگريس ميمبر اليگزينڊر گرين جي پاڪستان جي دور?? کي ياد ڪندي چيو ته هن پاڪستاني عوام سان يڪجهتي جي اظهار لاءِ نه رڳو پاڪستان جو دورو ڪيو پر ٻوڏ جي تباهه ڪارين کي منهن ڏيڻ جي سلسلي ۾ آمريڪ?? ڪانگريس ۾ فوري امداد جي به حمايت ڪئي. ان موقعي تي آمريڪ?? ڪانگريس ميمبر اليگزينڊر گرين ان اعزاز لاءِ پاڪستان حڪومت جو شڪريو ادا ڪندي چيو ته هو ان کي ٻن عظيم قومن وچ ۾ دوستي جو هٿ وڌائڻ جو تسلسل سمجهي ٿو. هن چيو ته مان پاڪستاني عوام ۽ آمريڪا جي ماڻهن وچ ۾ ڪنهن به قسم جو وڇوٽي نه ٿو چاهيان، اسان وچ ۾ ڪا به وڇوٽي ناهي ۽ نه ئي اسان ان جي اجازت ڏينداسين، اسان ?? تمام گهڻيون هڪجهڙايون آهن ۽ هڪ ٻئي لاءِ اسان جي ضرورت تمام گهڻي آهي. هن چيو ته اسان پنهنجي عوام وچ ۾ لاڳاپا جاري رکنداسين ۽ اهو ته مان هڪ ڀيرو ٻيهر پاڪستان اچڻ لاءِ بي چين آهيان. پاڪستاني سفير خطي ۾ دهشتگرد?? کي منهن ڏيڻ لاءِ ڪانگريس ميمبر اليگزينڊر گرين جي خدمتن ۽ پاڪستان انڊيورنگ اسسٽنس اينڊ ڪ آپريشن انهينسمينٽ ايڪٽ 2009 جهڙي اهم قانون سازي جي قدمن لاءِ ان جي حمايت کي به ساراهيو. هن چيو ته پاڪستان ?? آمريڪا وچ ۾ گڏيل قدمن، گڏيل احترام ۽ گڏيل نظرين تي ٻڌل پراڻا لاڳاپا آهن. هن ان ڳالهه جي نشاندهي ڪندي چيو ته ٻنهي ملڪن ستن ڏهاڪن کان وڌيڪ عر??ي ۾ امن کي هٿي ڏيڻ، اقتصادي ترق?? کي اڳيان وڌائڻ لاءِ ڪيترن محاذن، دهشتگردي ۽ ماحولياتي تبديلي جهڙن عالم چئلينجز کي منهن ڏيڻ لاءِ سهڪار ڪيو آهي. پاڪستاني سفير چيو ته اسان جي شراڪتداري جي مضبوطي عوام سان عوام وچ ۾ مضبوط رابطن ۾ آهي.
آمريڪي ڪانگريس ميمبر اليگزينڊر گرين کي اسلامو فوبيا کي منهن ڏيڻ ۾ اهم ڪردار ادا ڪرڻ تي ستاره خدمت سان نوازيو ويو
مضمون کا ماخذ : عظیم البینی
متعلقہ مضامین
.jpg)
