اسلام آباد۔19اکتوبر(اے پی پی) وزیر دفاع خواجہ محمد آصف آکھیے کوڑا بیانیہ بݨایا ویندا پئے جو لوکاں کوں اغوا کیتا ویندا پئے ݙسایا ونڄے کون اغواء تھئے ، آئینی ترمیم دا مقصد پارلیمنٹ دی بالادستی قائم کرݨ اے، اہم ترمیم اے جتنی مشاورت اتے اتفاق رائے تھیوے زیادہ بہتر اے، ݙو ترائے سال اچ ایجھے فیصلے آئے جوپارلیمنٹ دی بالادستی تے سوالیہ نشان ہن ساریاں جماعتاں دا اتفاق اے کوئی پارلیمنٹ دی بالادستی تے سمجھوتا نی کرݨ چاہندا او پارلیمنٹ دے ٻاہروں میڈیا نال ڳالھ مہاڑ کریندا پئے ہن۔ وزیر دفاع خواجہ محمد آصف آکھیے آئینی ترامیم سانڳے نمبر پورے ہن ھک متفقہ مسودہ تیار تھئے، کوشش اے ودھ توں ودھ لوک ایں ترمیم دی حمایت کرن۔ آئینی ترمیم تے پیشرفت تھی ویسی مولانا فضل الرحمان کوئی وݙی ڈیمانڈ نی کیتی ۔صحافی دی طرفوں سوال پچھیا ڳئے جو کیا سینئر جج منصور علی شاہ ہی اڳلے چیف ??سٹ?? ہوسن ؟ جیں تے جواب اچ وزیر دفاع آکھیے اے تاں ترمیم ݙسیسی جو کون چیف ??سٹ?? ہوسی۔ بنیادی کوشش اے زیادہ تر لوک ایں ترمیم کوں منن کیوں جو روزانہ دی بنیاد تے ترمیم نی تھیندیاں ساریاں پارٹیوں دا اتفاق اے جو پارلیمنٹ دی بالادستی تے کوئی کمپرومائز نی ہووݨا چاہیدا ،بنیادی مقصد اے پارلیمان بالادست ہووے پچھلے ݙو ترائے سال اچ ایجھے فیصلے آئےجو پارلیمنٹ دی بالادستی تے سوال کریندن تے عدیلہ اپݨے کردار دے اندر رہ تے کم کرے لاہوراچ جیڑھا واقعہ تھئے او ھک ڈھکوسلہ ہئی کہانی بݨائی ڳئی انھاں کوڑ بݨاوݨ دی فیکٹری لاتی ہوئی اے، سارے لوک گھراں ??چ موجود ہن فون تے وی رابطے کیتے ویندے پئن ، انھاں آکھیے میں مینگل دا احترام کرینداں انھاں بارے کوئی ڳالھ نہ کریساں ۔خبراں آندیاں پئن جو بانی پی ٹی ??ئی کائنی منیے صحافی دے ایں سوال تے وزیر دفاع آکھیے جو تساں لڳدے جو او من ویسن
.jpg)
