اسلام آباد ۔ 29 اگست (اے پی پی) چیئرمین سینیٹ م??اں رضا ??بانی ذرائع ابلاغ دے نمائندیں کوںیقین ڈیوایا ہے جو پارلیمانی پریس گیلری توں واک آﺅٹ تے حکومت ولوں کرائی گی یقین دہانی دا فالو اپ کرنڑ سانگے معاملہ سینیٹ دی قائمہ کمیٹی حکومتی یقین دہانیاں دے حوالے کیتا ویسی ۔ منگل کوں چیئرمین سینیٹ م??اں رضا ??بانی اتے پارلیمانی رپورٹرز ایسوسی ایشن وچال پارلیمنٹ ہاﺅس اچ ایوان بالا اتے ذرائع ابلاغ وچال ورکنگ ریلیشن شپ چنگی کرنڑ سانگے ہک مذاکرہ تھیا جیں اچ پی آر اے دی ایگزیکٹو باڈی دے ارکان، سیکریٹری سینیٹ امجد پرویز دے علاوہ بئے حکام وی موجود ہن ۔ایں موقع تے پے آر اے دے ارکان ولوںچیئر مین سینیٹ ولوں ذرائع ابلاغ تے سینیٹ سیکر ٹریٹ وچال سانجھ کار کوں بہتر بنڑاونڑ دے حوالے نال گالھ بات کوں سراہا گیا تے سینئر صحافیاں ذرائع ابلاغ کوں درپیش مسئلے سمیت پی اے آر دے پارلیمنٹ ہاﺅس اچ واقع دفتر دی توسیع تے واک آﺅٹ دے حوالے نال فالو اپ یقینی بنڑاونڑ دے علاوہ بئے امور تے تبالہ خیال کیتا گیا ۔ چیئرمین سینیٹ م??اں رضا ??بانی ذرائع ابلاغ دے نمائندیں نال گالھ مہاڑ کریندے ہوئیں آکھیا جو پی آر اے دے دفتر سانگے نیوں جاہ دا تعین کرنڑ سانگے ،پارلیمانی رپورٹرز اچوں ہر سال کہیں ہک کوں پی ایچ ڈی سانگے سکالر شپ ڈیونڑ ، قانونی طور تے پی آر اے دے وجود کوں برقرار رکھنڑ سانگے اقدامات، پریس لاﺅنج دی تزئین و آرائش دے حوالے نال سنجیدگی نال جائزہ گ??دا ویسی ۔ ایں موقع تے انہاں سیکرٹری سینیٹ اتے متعلقہ حکام کو ںوختی طور تے پیشرفت دے آغازسانگے ہدایات ڈتیاں۔ واک آﺅٹ دے معاملے تے گالھ کریندے ہوئیں انہاں آکھیا جو ذرائع ابلاغ کہیں اہم معاملے تے پریس گیلری توں واک آﺅٹ کریسن ،کوشش کیتی ویسی جو ایں دوران ایوان دی کاروائی روک ڈتی ونجے تے حکومت ولوں کرائی گی یقین دہانی دا فالو اپ کرنڑ سانگے معاملے کوں ایوان دی حکومتی یقین دہانیاں کمیٹی دے حوالے کیتا ویسی ۔
پارلیمانی پریس گیلری توں واک آﺅٹ تے حکومتی یقین دہانی دا فالو اپ کرنڑ دے معاملہ سینیٹ دی قائمہ کمیٹی دے حوالے کیتا ویسی ، چیئرمین سینیٹ
مضمون کا ماخذ : اولمپس کے خدا
متعلقہ مضامین
