پاکستان د سوئيلي كوريا صنعت، په كوچنۍ كچه د صنعتونو ودې٬ آئي ټي او د مصنوعي ذهانت په څانګو كښې تجربې څخه استفاده كول غواړي۔ د وزيراعظم شهباز شريف د سوئيلي كوريا سفير سره په ملاقات كښې خبرې

APP22-130524 ISLAMABAD: May 13 - Ambassador of the Republic of Korea H.E. Park Ki Jun called on Prime Minister Muhammad Shehbaz Sharif. APP/MAF/TZD

اسلام آباد 13 مئي (اے پي پي) وزيراعظم شهباز شريف وئيلي دي چې د پاكستان او سوئيلي كوريا ترمېنځه په خاص توګه د تجارت او سرمايه كارۍ په څانګه كښې ژورې رابطې دي، پاکستان د سوئيلي كوريا صنعت، په كوچنۍ كچه د صنعتونو ودې٬ آئي ټي او د مصنوعي ذهانت په څانګو كښې تجربې څخه استفاده كول غواړي۔ د وزيراعظم آفس ميډيا ونګ لخوا د جاري بيان له مخې وزيراعظم دا خبره د سوئيلي كوريا سفير پارك كي جون سره كړې چا چې دوي سره په وزيراعظم هاٶس كښې ليدلي۔ په دې موقع سفير د سوئيلي كوريا مشرانو لخوا په دوېم ځل په وزيراعظم جوړېدو شبهاز شريف له مباركي هم وركړه۔ شهباز شريف د سوئيلي كوريا قيادت لخوا د مباركۍ په پېغام د دوي مننه كولو سره دوه اړخيزه اړيكې لا قوي كولو لپاره په ګډه كار كولو كښې خوښي ښكاره كړه۔ وزيراعظم ووئيل د پاکستان او سوئيلي كوريا ترمېنځه اړيكې په خاص توګه د تجارت او د سرمايه کارۍ په څانګه كښې ژورې دي۔ دواړو د كال 1960 پېل راهسې اقتصادي پرمختګ لپاره مرسته پېل كړې۔ وزيراعظم د سوئيلي كوريا په معيشت كښې د جديد ټېكنالوجۍ د لارې د ځانګړي بدلون ستائنه وكړه۔ ده زياته كړه چې پاکستان د سوئيلي كوريا صنعت، په كوچنۍ كچه د صنعتونو ودې٬ آئي ټي او د مصنوعي ذهانت په څانګو كښې تجربې څخه استفاده كول غواړي۔ وزيراعظم د کوريا د بشري وسائلو ضرورتونه ترسره كولو لپاره پاکستان څخه د هنر مند افرادي قوت په برامد كولو كښې د اضافې وړاندېز او د دسيئول او اسلام آباد ترمېنځه د تجارتي پلاويو د تبادلې تجويز هم وړاندې كړو۔ په دې لړ كښې وزيراعظم ووئيل زه به د كابينې اړوند وزيرانو ته د كوريا د كمپنو لخوا موجوده سرمايه كارۍ سره سره نوې موقعې لټولو لپاره كوريا سره د همكارۍ پېدا كولو امر كوم۔ وزيراعظم صدر يون سك يول ته د پاکستان د سركاري دورې بلنه هم وركړه۔ د سوئيلي كوريا سفير د وزيراعظم مننه وكړه او د کوريا حکومت پاکستان سره د شريكې خوښې په يو شمېر څانګو كښې په خاص توګه تجارت٬ سرمايه کارۍ، آئي ټي، كلتور، سېلګرۍ او په اولسې رابطو كښې مرسته زياتولو كښې يۍ خپله خوښي ښكاره كړه

مضمون کا ماخذ : فائر جوکر