دوحہ۔31اکتوبر(اے پی پی) پاکستان تے قطر تجارت، سرمایہ کاری، ت??ان??ئی ات?? ثقافت سودھے مختلف شعبیں اچ سانجھا تعاون ودھاوݨ تے سٹرٹیجک تعلقات کوں وسعت ݙیوݨ دا عزم کیتے ۔ وزیراعظم دفتر دے پریس ونگ توں جاری بیان موجب وزیر اعظم محمد شہباز شریف قطر دے امیر شیخ تمیم بن حمد الثانی نال دوحہ اچ وفد دی سطح تے ملاقات کیتی اے ۔ ایندے توں پہلے ݙوہیں رہنماواں وچال ون آن ون ملاقات وی تھئی جیں اچ ݙو پاسے تعلقات دے وسیع معاملات تے ڳالھ مہاڑ کیتی ڳئی ۔ ملاقات اچ ݙوہیں رہنماواں پاک۔قطر تعلقات دے سارے پہلواں دا تفصیلی جائزہ ڳھدا۔ تجارت، سرمایہ کاری، ت??ان??ئی ات?? ثقافت دے شعبیں اچ تعاون ودھاوݨ سانڳے نویں ممکنہ تعاون تے وی غور کیتا ڳئے ۔ فریقین مشترکہ اقتصادی اہداف اتے علاقائی استحکام دی اہمیت تے زور ݙیندے سٹرٹیجک ݙوطرفہ تعلقات مزید ودھاوݨ دا عزم کیتے ۔ انھاں سانجھی دلچسپی دے علاقائی اتے بین الاقوامی امور بالخصوص اسرائیل دی طرفوں بے گناہ فلسطینیاں دے خلاف جاری نسل کشی دی جنگ اتے خطے اچ کشیدگی اچ وداھرے تے ڳالھ مہاڑ کیتی ۔ وزیراعظم 24 ستمبر 2024 کوں اقوام متحدہ دی جنرل اسمبلی دے 79 ویں سالانہ اجلاس اچ امیر قطر دی طرفوں پیش کیتے ڳئے فلسطین دے معاملے تے قطر دے موقف د?? تعریف کیتی ، انھاں وختی جنگ بندی سانڳے قطر دی ثالثی تے انسانی امداد دی بلا تعطل فراہمی دیاں کوششاں دی وی تعریف کیتی۔وزیراعظم محمد شہباز شریف آکھیے غزہ اچ قتل و غارت گری وختی مکاوݨ تے امن قائم کیتے بغیر دنیا اچ خوشحالی نی گھن آئی ونڄ سڳدی ، انھاں آکھیے فلسطین اچ جاری اسرائیلی دی اڄوکی بربریت دی تاریخ اچ مثال نی ملدی ۔ ݙوہیں رہنماواں دی ملاقات اچ فلسطینی بھراویں تے ب??یݨ??ں سانڳے مزید امدادی سامام دی ترسیل جاری رکھݨ دی اہمیت تے وی ڳالھ مہاڑ تھئی ۔ وزیراعظم امیر قطر کوں پاکستان دورے دی دع??ت وی ݙتی۔ وزیراعظم محمد شہباز شریف دا دورہ قطر ݙوہیں بھرا اسلامی ملکاں وچال مسلسل تکڑی تھیوݨ آلی شراکت داری تے تعاون ودھاوݨ اچ ھک ٻیا سنگ میل اے۔
