نیویارک۔26ستمبر(اے پی پی)وزیرا??ظم محمد شہباز شریف پولیو مکاݨ، ماں اتے ٻال دی صحت، غذائیت، حفاظتی ٹیکے، ڈیجیٹلائزیشن اتے مالی شمولیت کیتے گیٹس فائونڈیشن دے پاکستان نال تعاون دی تعریف کریندے پاکستان توں پولیو مکاوݨ کیتے اپݨا عزم دوہرائے۔ او اقوام متحدہ دی جنرل اسمبلی دے 79 ویں اجلاس ویلھے بل اینڈ میلنڈا گیٹس فائونڈیشن دے بانی اتے شریک چیئرمین بل گیٹس نال ملݨ ویلھے الیندے پئے ہن۔
ایں سال جون اچ بل گیٹس دے دورہ پاکستان تے الیندے وزیرا??ظم دسمبر 2024 اچ سیٹل اچ گیٹس فائونڈیشن دے دورے دی دعوت تے شکریہ ادا کیتے۔ وزیرا??ظم بل گیٹس فائونڈیشن دا پولیو مکاوݨ، ڈیجیٹلائزیشن اتے مالی شمولیت سودھا صحت دے شعبے اچ ڳھاٹے تعاون تے شکریہ ادا کریندے آکھیے جو پاکستان پولیو مکا تے رہسی اتے ملک دا مستقبل محفوظ ٻݨایا ویسی۔ انہاں بل گیٹس دا شکریہ ادا کریندے پاکستان اچ صحت دے نظام دی مضبوطی، ماء اتے ٻال دی غذائیت کیتے ہتھ ونفاوݨ تے زور ݙتے۔ پولیو مکاوݨ کیتے پاکستان دے عزم دی تعریف کریندے بل گیٹس آکھ??ا جو پولیو مکاوݨ آندیاں نسلاں کوں ایں مہلک بیماری توں بچاوݨ کیتے ضروری اے، پورے ملک اچ پولیو ویکسین پروگرام اچ وزیرا??ظم دی ذاتی نگرانی اتے صوبائی حکومتاں دے اقدامات قابل تعریف ہین۔ بل گیٹس افغانستان نال صحت دے جامع ڈائیلاگ تے الایا اتے انہاں اقدامات کیتے تعاون دا آکھ??ا جو انہاں ڄاہیں تے ودھ توجہ ݙیوݨ دی لوڑھ اے جتھاں ٻالاں کوں پولیو ویکسین نا ملی ہووے یا پولیو دے قطرے پلاوݨ توں انکار دی تعداد ودھ اے، اتے جتھاں ودھ کیسز دے امکانات ہوون۔ انہاں شاہ سلمان انسانی امداد اتے ریلیف سینٹر دی پولیو اتے ٻئے صحت دے امداد دے اقدامات دا ݙسایا۔ انہاں بی ایم جی ایف دے غذائیت تے کم خاص کر حاملہ خواتین کیتے مائیکرو نیوٹرینٹس دا ݙسیندے آکھ??ا جو یونیسیف دے ڳانݙھے نال انہاں کوں وادھو وٹامن ݙے تے کیویں ودھایا ونڄ سڳدے۔ وزیرا??ظم پاکستان دی سماجی و اقتصادی ترقی اچ قابل اعتماد اتحادی ٻݨݨ تے بی ایم جی ایف دی تعریف کیری اتے انفارمیشن ٹیکنالوجی، ایس ٹی ای ایم، تعلیم، زراعت اتے لائیو سٹاک ڄھیں شعبیاں اچ تعاون ودھاوݨ دا آکھیا۔
