اسلام آباد ۔ 20 جولائی (اے پی پی) الیکشن کمیشن پولنگ ایجنٹس کیتے جاری ضابطہ اخلاق اچ آکھے جو پولنگ ایجنٹ کولوں آپنڑیں امیدوار یا اوندے الیکشن ایجنٹ ولوں جاری کردہ اختیار نامہ، بیج اتے اصلی قومی شناختی کارڈ ہونڑاں لازمی ہے ایندے بغیر اوں کوں پولنگ سٹیشن اچ داخل کائناں تھیونڑ ڈتا ویسی ، پولنگ ایجنٹ پولنگ سٹیشن دے اندر یا باہر 400 میٹر دی حدود اچ کہیں ووٹر کوں آپ دے امیدوار دے حق اچ ووٹ پاونڑ کیتے قائل کائناں کر سگسی ، ہر اعتراض اُتے پولنگ ایجنٹ 100 روپے فیس پریذائیڈنگ آفیسر کولوں جمع کرا تے رسید حاصل کریسی ۔ پولنگ ایجنٹ پریذائیڈنگ آفیسر دے تیار اتے سیل کردہ لفافیاں اُتے آپنڑیں مہر لا سگسی ۔ الیکشن کمیشن ولوں پولنگ ایجنٹس کیتے 24 نکاتی ضابطہ اخل??ق جاری کیتا گئے جیندے مطابق پولنگ ایجنٹ آپنڑاں ناں، امیدوار دا ناں ، قومی شناختی کارڈ نمبر اتے حلقہ و پولنگ سٹیشن دا ناں اتے نمبر لکھا ہویا بیج لاتی رکھسی ، جڈانجو کہیں صورت اچ امیدوار دی جماعت کوں ظاہر کائناں کریسی ۔ پولنگ ایجنٹ خالی بیل?? باکس معائنہ کرے فارم 42 اُتے دستخط کریسی جڈانجو بیل?? باکس بیلٹ پیپر نال بھر ونجنڑ دے بعد اوں کوں سیل کرنڑ اُتے وی پولنگ ایجنٹ آپنڑیں مہر لا سگدے ۔ جیکر کئی بندہ جعلی ووٹ پیدا پئے تاں پولنگ ایجنٹ کوں چاہیدے جو او آپنڑاں پورا اطمینان کرنڑ دے بعد ایں معاملے اُتے پریزائیڈنگ آفیسر یا اسسٹنٹ پریزائیڈنگ آفیسر دے نوٹس اچ گھن آوے اتے انہاں دے سامنڑیں اے عہد کرے جو ایں گالھ کوں عدالت اچ ث??بت کریسی ۔ پولنگ ایجنٹس کوں آکھیا گئے جو او ہر ووٹر اُتے بلاوجہ اعتراض کرنڑ کوں باز راہون ، ایندے نال انتخابی عمل اچ رکاوٹ پیدا تھیسی ۔ پولنگ ایجنٹ جیکر کوئی اعتراض ڈیکھے تاں اوں کوں لازمی چاوے ۔ پولنگ ایجنٹ تریمتیں ووٹراں دا احترام کرے اتے اوں کوں نابینا افراد دے نال ووٹ پاونڑ کیتے ہک بندے دے ونجنڑ دی اجازت دا علم ہونڑاں چاہیدے ۔پولنگ ایجنٹ فارم 45 گنتی دا گوشوارہ اتے فارم 46 بیلٹ پیپر اکاﺅنٹ اُتے آپنڑیں دستخط کرے اتے اوندی کاپی حاصل کرے۔ ایں توں علاوہ فارم 43 ٹینڈر ووٹ لسٹ اتے فارم 44 چیلنج و??ٹ لسٹ اُتے وی آپنڑیں دستخط کرے۔
الیکشن کمیشن پولنگ ایجنٹس کیتے 24 نکاتی ضابطہ اخلاق جاری کرڈتے
مضمون کا ماخذ : سمندری ڈاکو گولڈ
متعلقہ مضامین
