اسلام آباد 14 اګست (اے پي پي) وزيراعظم محمد شهباز شريف وئيلي دي چې د آزادې 75مه ورځ پاكستاني قوم لپاره يوه تاريخي ورځ ده، نن ټول قوم د نيمې وچې مسلمانانو ته پاكستان جوړولو لپاره په بې مثاله هڅو پېرزوينې او په لازوال قربانيو د عقيدت نظرانه وړاندې كوي، قيام پاكستان د بابائے قوم قائداعظم محمد علي جناح مقصد لپاره د خوارې، كلك عزم، محنت او هڅو په وجه ممكنه شوے، په كال 1930م كښې د تصور پاكستان وړاندې كېدو نه پس يوازې د 17 كلونو په لنډه موده كښې پاكستان د نړۍ په نقشه د لوي اسلامي هېواد په توګه رامخې ته شو، د پاكستان قيام د كومې معجزې نه كم نه و كوم چې نه يوازې دوست او دښمن حېران كړل بلكې د ټولو قياسونو او پېشن ګوئيو په ضد ئې په نړۍ كښې خپل انفرادي حيثيت په ځائ وساتلو. د پاكستان د آزادې 75مې ورځې په موقع د قوم په نامه په خپل پېغام كښې وزيراعظم محمد شهباز شريف ووئيل چې كه يو خوا د آزادې 75مه ورځ د ډېر خوشحالې او جشن سبب ده ورسره دا په اجتماعي او انفرادي كچه د خود احتسابې يوه موقع هم ده. وزيراعظم ووئيل چې د قوم په توګه مونږ په اووه نيمو لسيزو كښې ډېرې كاميابې ترلاسه كړې دي، زمونږ په سلامتيا د بهرنيو بريدونو پوخ ځواب نه واخله تر يو متفقه قومي آئين جوړولو، د نړۍ اووم نيوكليئر طاقت او د ترهګرې مقابله كولو سره په اجتماعي توګه دې ته تر ماتې وركولو مونږ نه يوازې پرله پسې هڅو سره د دې هېواد حفاظت كړے بلكې شپه او ورځ مو د دې پرمختګ او خوشحالې لپاره هڅې هم كړې دي. ده ووئيل چې د اولې ورځې نه دا هېواد ستونزو سره مخ پاتې شوے خو زمونږ د بهادر قوم جذبې ټولې ستونزې له مېنځه وړې دي خو دا هم يو منل شوے حقيقت دے چې د سماجي او معاشي برابرې، د قانون حكمرانې او د مساواتو په بنياد د كوم هېواد خوب چې زمونږ مشرانو ليدلې و مونږ تر اوسه پورې تعبير ورنه كړے شو. وزيراعظم ووئيل چې مونږ نن په يو آزاد هېواد كښې ساه اخلو او دې لپاره چې مونږ د خپل رب هرڅومره مننه وكړو كمه ده خو حقيقي آزادي د ضرورتونو، لوږې، افلاس او د پسماندګي څخه د آزادې نوم دے. تر څو چې مونږ په معاشي توګه يو خپلواكه رياست نه يو جوړ شوي، تر هغه وخت به د مكمل آزادې دا خوب د حقيقت جوړېدو نه محروم وي. ده ووئيل چې كوم هم قوم لپاره كورنې اړې ګړې، په خپلو كښې تقسيم او د انشتار نه زيات بل خطرناك څيز نه شي كېدے ځكه چې داسې منفي عناصر نه يوازې ملي وحدت او قومي سلامتيا ته زيان رسوي بلكې ټولنه د هغې د مقصد نه محرومه كوي. قائداعظم په دې عواملو ښه پوهه و ځكه هڅه د دې مخ نيوي لپاره د ايمان، اتحاد او نظم و ضبط درس وركړو. وزيراعظم ووئيل چې زه په خپل قوم او غيور ځوانانو باور لرم چې دوي به په يقيني توګه د هېواد كشتې د دې وختي سېلې نه ډېر زر وباسي. وزيراعظم ووئيل چې راځي لوظ وكړو چې مونږ به پاكستان د خپلو مشرانو د نظرياتو له مخې يو فلاحي رياست جوړوو. وزيراعظم ووئيل چې د جشن آزادې په 75مه تاريخي ورځ زه ټول قوم او سمندر پورې پاكستانيانو ته د زړه د كومي نه مباركي وايم. پاكستان، پائنده باد.
د آزادې 75مه ورځ پاكستاني قوم لپاره يوه تاريخي ورځ ده. د وزيراعظم محمد شهباز شريف د پاكستان د آزادې 75مې ورځې په موقع پېغام
مضمون کا ماخذ : لاٹری کے سستے ٹکٹ
متعلقہ مضامین
