گورنر پنجاب سردار سلیم حیدر خان نے بانی پاکستان قائد اعظم محمد علی جناح کے یوم پیدائش اور کرسمس ??ے موقع پر بات چیت کرتے ہوئے کہا کہ بابائے قوم ایک تاریخ ساز شخصیت تھے قائد اعظم نے ا??نی سیاسی بصیرت اور قائدانہ صلاحیتوں سے ایک علیحدہ وطن کے قیام کو ممکن بنایا۔
سردار سلیم حیدر کا کہنا تھا کہ قائد اعظم محمد علی جناح کی ولولہ انگیز قیادت کی بدولت آج ہم آزاد ملک میں سانس لے رہے ہیں ان کے رہنما اصول ’’ایمان، اتحاد، تنظیم‘‘ ہمارے لیے مشعل راہ ہیں آج کے دن ہمیں یہ عزم کرنا ہے کہ ملک میں قاِئد اعظم کے ویژن ??ے مطابق انصاف اور مساوات کو یقینی بنائیں گے اور ملک کی تعمیر و ترقی کے لیے ا??نی صفوں میں اتحاد پیدا کریں گے۔
گورنر پنجاب سردار سلیم حیدر نے کرسمس ??ے موقع پر مسیحی برادری کو بھی دلی مبارک باد پیش کی اور کہا کہ حضرت عیسیٰ علیہ السلام نے محبت، امن اور رواداری کا پیغام دیا ہے پاکستان مذہبی رواداری ، اخوت ، بھائی چارے اور اقلیتوں کے حقوق کی مکمل حمایت اور پاسداری کرتا ہے۔
سردار سلیم حیدر کا کہنا تھا کہ ملک میں بسنے والی اقلیتوں کو آئین پاکستان کے تحت مکمل مذہبی آزادی اور حقوق حاصل ہیں انہوں نے کہا کہ ملک میں بسنے والی مسیحی برادری نے قیام پاکستان کے بعد تعمیر پاکستان میں بڑھ چڑھ کر حصہ لیا مسیحی برادری نے تمام شعبوں میں اپنی صلاحیتوں کا لوہا منوایا اور پاکستان کا نام روشن کیا ہے۔
