بايد قام ته د رامخې ته معاشي مسئلو حل لپاره ټول سياسي قوتونه په ګډه كردار ولوبوي٬ عدالتي او انتخابي اصلاحات ته ضرورت دے۔ بلاول بھټو زرداري

اسلام آباد 04 مارچ (اے پي پي) د پاکستان پيپلز پارټي چيئرمين او د قامي اسمبلۍ غړي بلاول بھټو زرداري د وزيراعظم د ميثاق معيشت او تفاهم هركلي كولو سره وئيلي دي بايد قام ته د رامخې ته معاشي مسئلو هواري لپاره ټول سياسي قوتونه په ګډه خپل كردار ولوبوي٬ د اتلسم بدلون له مخې پاتې وزارتونه صوبو ته منتقل كول او اشرافيه لپاره سبسډيز ختمولو سره به اولس ته ريليف ترلاسه شي،عدالتي او انتخابي اصلاحات ته ضرورت دے٬ د مئي د نهمې نيټې پېښې تحقيقات لپاره د جوډيشل کميشن جوړولو د مطالبې تائيد كوٶ۔ د ګل په ورځ قامي اسمبلۍ كښې بلاول بھټو زداري ووئيل زه د خپلې كورنۍ د درېم نسل نمائنده يم څوك چې په دوېم ځل دې ايوان لپاره ټاكلے شوے٬ د دې ودانۍ د بنياد تګيه شهيد ذوالفقار علي بھټو اېښودې وه٬ دا ايوان زمونږ د ټولو لپاره دے٬ ده ووئېل پارلمان د ټولو ادارو د مور حېثيت لري٬ كه مونږ دا مضبوط كړو نو ټولې ادارې وفاق او جمهوري نظام به قوي شي۔ ده ووئيل زه ھغه خپلو مشرانو ته خواست كوم څوك چې په شپږم شپږم ځل د دې ايوان غړي منتخب شوي چې مونږ داسې پرېكړې وكړو چې ورسره د هېواد د ځوانانو سباٶن روښانه شي٬ كه دا ځوانان د دې ايوان غړي ټاكلے كېده غواړنو نو چې دوي لپاره اسانۍ راپېدا كړو ده ووئيل د هېواد د معاشي بحران نه هر سړے خبر دے٬ خلق سختو ستونزو سره مخ دي٬ اولس غواړي چې هېواد د معاشي بحران نه بهر كړے شي٬ ګراني٬ غربت او بېروزګاري ختمه شي٬٬ وزيراعظم خپلې وېنا كښې د مهمو منصوبو خبره كړې ٬ ده ووئېل د مخالفې ډلې مشر هم خپله خبره وكړه ٬ د دوي موقف هم په ټي وي ښودل پكار دي۔ په دې موقع بلاول بھټو وزيراعظم شهباز شريف، وزيراعليٰ مريم نواز، وزيراعليٰ علي امين ګنډا پور، وزيراعليٰ سرفراز بګټي او وزيراعليٰ مراد علي شاه له مباركي وركولو سره دا هيله څرګنده كړه چې دوي به د اولس مسئلې حل كړي۔ ده ووئيل وزيراعظم چې د كومو اقداماتو اعلان كړے كه په ھغې عمل درآمد وشي نو ان شآالله په دې ټولو مسئلو به قابو موندلے شي۔ وزيراعظم چې كومه هم پاليسي وړاندې كوي په ھغې ټولو له رائے وركول پكار دي ٬ كه په ھغې رائے نه وركوي نو بيا به تنقيد هم ونه كړے شي۔ په دې موقع بلاول بھټوزرداري ووئيل مئي د 9مې نيټې د پېښو ټولو غندنه كړې ٬ د خېبر پښتونخوا وزيراعليٰ علي امين ګنډا پور د انکوائرۍ خبره كړې او وئيلي ئې دې چي بې ګناه دې خوشې كړے شي او چې څوك ذمه واري دي بايد سزا وركړے شي٬ زه د ھغه د دې خبرې تائيد كوم٬ ده ووئېل كه پي ټي آئي او دا خلق مونږ له باور راكړې چې جوډيشل كمېشن به جوړېږي نو بيا سمه ده ولې چې دا پېښه د هېرېدو نه ده۔ ده ووئيل پاکستان پيپلز پارټي د وزيراعظم نه مطالبه كوي چې ھغه دې چيف جسټس څخه پخپله مشرۍ كښې د جوډيشل کميشن جوړولو درخواست وكړي دغسې چې دودھ کا دودھ اور پاني کا پاني شي