اسلام آباد۔06جولائی(اے پی پی)په قامي اسمبلۍ كښې د مخالفې ډلې مشر راجه رياض احمد په سويډن كښې د قرآن پاك بې حرمتۍ پیښې په سختو ټكو كښې غندنه كولو سره وئېلي دي چې يو ارب څخه د زيات مسلمانانو جذبات مجروح شوي دي٬په دې پېښه كښې ككړ تن ته دې د سويډن حكومت سزا وركړي دغسې چې راتلونكې كښې څوك هم زمونږ د مقدس كتاب بې حرمتۍ جرات ونه كړي۔د زيارت په ورځ د پارليمان په شريكه غونډه كښې د سويډن په پېښه بحث كښې برخه اخستلو سره په قامي اسمبلۍ كښې د مخالفې ډلې مشر راجه رياض احمد ووئيل چې په سويډن كښې د قرآن پاك بې حرمتۍ پیښې چې څومره هم غندنه وشي كمه ده٬ټوله اسلامي نړۍ په دې اړه سخته غم او غصه كښې ده٬ټول قام په دې معامله يو موټې دې٬مونږ غوښتنه كوو چې د سويډن حكومت دې په دې كښې د ككړ تن په ضد كاروائي وكړي ځكه چې يو ارب څخه د زياتو مسلمانانو جذباتو ته زيان رسېدلې۔ ده ووئيل چې د سويډن حكومت دې د ټولې اسلامي نړۍ زړه په آزارولو بخښنه وغواړي٬د جمعې په ورځ په دې اړه احتجاج كښې به ټول قام شاملېږي٬د پارليمان څخه منظور كېدونكې دا قرارداد دې د سويډن سره سره د نړۍ هر فورم ته ورسولې شي۔ده ووئيل چې په پاكستان كښې د نورو مذهبونو خلكو حد نه زيات احترام كېږي٬كه دلته داسې پیښه رامخې ته شي نو سمدستي ايكشن اخستلې كېږي٬د سويډن حكومت دې هم سمدستي ايكشن واخلي
په سويډن كښې د قرآن پاك بې حرمتۍ پیښې سره يو ارب څخه د زياتو مسلمانانو جذبات مجروح شوي ۔ راجه رياض احمد
مضمون کا ماخذ : ریل رش
متعلقہ مضامین
