بهاولپور۔23جنوری(اے پی پی) د مذهبي چارو نګران وفاقي وزير انيق احمد وئيلي دي د نبي كريم (ص) تشريف راوړل د زوړ دور ختمېدل او د نوي دور پېل كېدل دي٬ دين انسانيت ته بشپړ او تلپاتي اقدار وركوي۔ دا خبره ده په اسلاميه بهاولپور يونيورسټي كښې سيرت كنفرنس ته خطاب كښې وكړه۔ د “سیرت النبی او انساني اقدار او په ټولنه د دې اثرات” سرخط لاندې شوي دې كنفرنس ته د پوهنتون وائس چانسلر ډاكټر نويد اختر ٬ جامعه ازھر څخه راغلي ډاكټر احمد محمد الشرقاوي ٬ ډاكټر سعد صديقي ٬ او ډاكټر شېخ شفيق خطاب وكړو۔ وفاقي وزير انيق احمد ووئيل په اوسني دور كښې د رامخې ته شوو ټولو اعلی اخلاقياتو پېل د مدينې منورې څخه شوے ، مونږ له به په خپل ژوند كښې د نبي كريم (ص) اخلاق راپېدا كول وي۔ ده ووئيل د انساني اقدارو تعين پاك پروردګار او د هغه رسول كړے۔ د بهاولپور پوهنتون وائس چانسلر ډاکټر نوید اختر ووئيل سیرت النبی (ص) كنفرنس كول مونږ لپاره د درناوي خبره ده۔ د ډاكټر سعد صديقي وېنا وه چې د كومې هستۍ خاموشي هم قانون وي د هغوي قول به څومره لوئي حجت وي۔ د جاهيلت تر دور په انساني اقدارو كښې د بدلون هېڅ تصور نه ؤ ۔ ډاكټر احمد الشرقاوي ووئيل په سوره حشر كښې د اسلامي اقدارو د عملي شكل نه رهنمائي ترلاسه كېږي۔ د پاك پروردګار رضا په خاطر د نورو خلقو لپاره ايثار او قرباني په اسلامي اقدارو كښې شامل دي۔ ډاكټر شېخ شفيق كنفرنس ته خپل خطاب كښی ووئيل اسلامی اقدارو څخه د لرې پاتې كېدو له امله مونږ پرېشانو سره مخ يؤ۔ ده ووئيل نبي علېه السلام د دعوت څخه وړاندې خپل اخلاق وړاندې كړي وو۔ ده ووئيل نن په ټولنه كښې اخلاقي تنزل زيات شوے دے
د نبي اكرم (ص) تشريف راوړل د زوړ دور ختمېدل او د نوي پېل كېدل دي٬ مونږ له به د نبي كريم (ص) اخلاق په خپل ژوند كښې راپېدا كول وي٬ انيق احمد
مضمون کا ماخذ : quina resultados anteriores
متعلقہ مضامین
