اسلام آباد۔21مئی(اے پی پی) د منصوبه بندۍ ٬ پرمختګ او خصوصي اقدامات وفاقي وزير پروفېسر احسن اقبال د 9 مئي پېښې د پاكستان وسله والو ځواكونو لپاره د امريكا د نائن الېون پېښو په څير زياتې سنګينې ٬ د نه زغملو او نه بخښلو وړ ګرځولو سره وئيلي دي چې دفاعي تنصيباتو او د وياړ وړ علاماتو ته د زيان رسوؤنكو شرخوښو په ضد به د ثبوتونو په بنياد كارروائي كولې او دوئي ته به سخته سزا وركولې شي۔ په سول سيمو كښې د بريد كوؤنكو په ضد به سول عدالتونو او په دفاعي ادارو او تنصيباتو د بريد كوؤنكو په ضد به د آرمي اېكټ لاندې كارروائي كولې شي٬ دا نه كوم بدل اخستل دي او نه سياست دے ٬ بلكه خبره د پاكستان ده٬ د پاكستان معيشت په دمه دمه په خپلو پښو ادورېدو او استحكام پلو روان دے۔٬ اولس ته ريليف وركول او په پرمختيائي بجټ كښې اضافه زمونږ په لومړو ترجيحاتو كښې شامل ده٬ عمران خان پاكستان ته نه پوره كېدونكې زيان ورسولو او د سي پېك تباهي د ده تر ټولو لويے جرم دے۔ د دې خيالاتو څرګندونه ده د اتوار په ورځ اے پي پي سره خصوصي مركه كښې وكړه۔ وفاقي وزير د 9 مئي پېښو په اړه خپلو خبرو كښې ووئيل د 9 مئي پېښې د پاكستان وسله والو ځواكونو لپاره د امريكا د نائن الېون برابر دي٬ د يو سياسي ګوند شرخوښو د پاكستان په تاريخي ورثه ٬ د قومي سلامتيا په ادارو ٬ په جناح هاؤس كوم چې د كور كمانډر يوازې كور نه بلكې د پاكستان د مؤسس ورثه هم وه بريد وكړو۔ دغسې دوئي د كرنل شېر خان مجسمه نه بلكې د مړانې علامت مات كړو د كومې چې هغه د كارګل په محاذ څرګندونه كړې وه او د دې اعتراف زمونږ دښمنانو هم كړې وو۔ كه دوئي د كال 1965 جنګي الوتكې ويجاړه كړې ده نو دوي د پاك هوائي پوځ په هغه برانډ بريد كړے كوم چې د وياړ وړ دے٬ كه دوئي په چاغي غونډۍ بريد كړے دے نو دا بريد د پاكستان مضبوط جوړونكي قوت په علامت بريد دے ٬ دې سره سره زمونږ د شهيدانو سپكاوې وكړې شو۔ په دې هر څه كولو دوئي څوك خوشحاله كړل؟ ده ووئيل په امريكا چې په كېپتل هل بريد وشو نو آيا هغوي بريد كوؤنكي معاف كړل؟ بالكل نه ٬ بلكه هغوي د عبرت نخښه جوړولې شي۔ په دې وروستيو كښې په برطانيه كښې په سړكونو لوټمار كوؤنكي برطانوي حكومت معاف نه كړل۔ هغوي لپاره يۍ د شپې عدالتونه ولګول٬ مثالي سزاګانې يۍ وركړې دغسې چې داسې حركت بيا څوك ونكړي۔ ځكه دلته هم دا خلك د رحم مستحق نه دي۔ نه كوم بدل اخستل او نه سياست ٬ خبره د پاكستان ده۔ ده ووئيل په سول سيمو كښې د بريد كوؤنكو په ضد به سول عدالتونو او په دفاعي ادارو او تنصيباتو د بريد كوؤنكو په ضد به د آرمي اېكټ لاندې كارروائي كولې شي۔ د قومي معاشي حالاتو په اړه د يوې پوښتنې په ځواب كښې وفاقي وزير ووئيل اتحادي ګوندونو چې څه وخت اقتدار ترلاسه كړو نو خزانه خالي وه۔ د اپرېل په اولنۍ نېټه كال 2022 د خزانې وزارت د سركاري څانګې پرمختيائي پروګرامونو لپاره وروستې درې مياشتنيز فنډزك ريليز كولو نو اړوند وزارت د فنډز جاري كولو څخه انكار وكړو٬ داسې د پاكستان په 75 كلن تاريخ كښې په اولني ځل وشول چې حكومت سره د سركاري څانكې پرمختيائي پروګرامونو لپاره فنډز نشته۔ مونږ د ستونزو مقابله وكړه او هېواد مو يو وارې بيا په خپلو پښو ودرولو۔ ده ووئيل موجوده حكومت د معيشت بهترۍ له سختې پرېكړې وكړې چې نتيجې يۍ اوس رامخې ته كېدل پېل شوي دي۔ ده ووئيل مونږ زيات بحرانونه ليدلي دي په كومو كښې چې د كال 2022ء سخت سېلاب شامل دے د كوم د لاسه چې پاكستان د 30 اربه څخه د زياتو ډالرو مالي زيان سره مخ شو٬ د هېواد زياتره ضلعې وځپلې شوې ۔ حكومت په ترجيحي بنيادونو ګامونه پورته كړل او بېل پروګرامونه يۍ پېل كړل ٬ كه پاك پرودګار ته منظور وي په راتلونكو يو يا دوه كاله كښې به د دغې تباهۍ په اثراتو قابو وموموؤ۔ پروفیسر احسن اقبال ووئيل په هېواد كښې روانه ګراني د پي ټي آئي د حكومت دلاسه ده كوم چې د ډالر په مقابله كښې د روپۍ قدر مصنوعي اېښودلې وو او درآمدات په وروستي كال كښې 80 اربه ډالره ته ورسېدل هم له دې كبله پاكستانۍ روپۍ فشار سره مخ پاتې شوه۔ موجوده حكومت آئي اېم اېف سره معطل شوے پروګرام دوباره پېل كړو۔ د سي پېك په اړه د يوې پوښتنې په ځواب كښې ده ووئيل سی پېک ګېم چېنجر منصوبه ده ٬ مونږ په خپل دور كښې بېلو څانګو كښې چين څخه نزدې د 29 اربه ډالرو سرمايه كاري ترلاسه كړې وه چې ورسره د لكھونو په شمېر ځوانانو ته د روزګار موقعې وركړې شوې خو پي ټي آئي په خپل حكومت كښې سي پېك ته زيات زيان وروسولو۔ ده ووئيل كه دا منصوبه د كال 2017 -2018 رفتار سره روانه پاتې شوې وه نو په راروانو 5 ٬ 6 كاله كښې په پاكستان كښې په بېلو صنعتونو كښې د 30 نه تر 50 اربه ډالرو نجي سرمايه كارۍ امكان لرلو۔ ده ووئيل د پاكستان وزيراعظم او د ايران صدر تېره ورځ د ايران په پوله د يو ماركيټ او ګوادر لپاره د 100 مېګاواټ ټرانسمېشن لائن پرانسته وكړه۔ دا منصوبه په كال 2018 كښې پېل شوې وه خو تېر نااهل حكومت دے ته هم زيان ورسولو۔ ده ووئيل موجوده حكومت په ګوادر كښې مهيانو نيونكو لپاره د 80 كروړ روپو په لګښت د عصري كشتيو پراجېكټ پېل كړو۔ په ګوادر فري زون كښې چين څخه تندۍ سره سرمايه كار راځي۔ په ګوادر كښې په 6 مياشتې كښې نوے نمائشي مركز بشپړ شوے دے۔ د قراقرم سترې لارې په دويم پړاؤ پېشرفت روان دے۔ وفاقي وزير د صنعتوونو په عصري بنيادونو د اودرولو په حاجت هم زور راوړو۔ ده ووئيل د كوم هېواد معيشت چې مضبوط وي نړۍ د هغې عزت وي او كوم هېواد چې په نړۍ كښې كشكول ګرځوي د هغې كوم عزت نه وي۔ د يوې پوښتنې په ځواب كښې ده ووئيل موجوده حكومت ته دا مهال تر ټولو لويے چېلنج د پاكستان په معاشي صورتحال كښې پرمختيائي بجټ ترسره كول دي۔ د كال 2018ء په مهال زمونږ پرمختيائي بجټ 1000 اربه روپۍ او د روان مالي كال په مهال 727 اربه روپۍ دے۔ ده ووئيل د كركيلې په څانګه كښې هېواد شين انقلاب -2 ته سخته اړتيا لري او په سي پېك منصوبو تندۍ سره پېشرفت ټول عمري له زمونږ لومړۍ ترجيح پاتې شوې ده۔
د 9 مئي پيښې د نائن اليون په څير ډيرې سنګينې او د نه بخښلو وړ دي٬ د ثبوتونو په بنياد كارروائي كولو سره به شرخوښو ته عبرتناكه سزا وركړې شي٬ نه كوم بدل اخستل دي او نه سياست كول ٬ خبره د پاكستان ده۔ د وفاقي وزير احسن اقبال اے پي پي سره مركه
مضمون کا ماخذ : prêmios raspadinha
متعلقہ مضامین
