اسلام آباد 30 نومبر (اے پي پي) د وزيراعظم د اطلاعاتو او خپرونو خاص مرستيالې ډاكټر فردوس عاشق اعوان وئيلي دي چې مولانا صاحب دا پارلمان ستاسو د فرزند او د ګوند د نورو مشرانو تر موجودګې جعلي نه شي كېدے، نوې ټاكنې به د پنځه كاله آئيني موده پوره كېدو نه پس ضرور كولې شي. هغې دا خبرې د خالي په ورځ په خپل ټويټ كښې وكړې. د وزيراعظم مرستيالې ووئيل چې مونږ د مولانا د تېر پارلمان د تقريرونو په رڼا كښې مخ په وړاندې روان يو كله به چې هغه وئيل بايد پارلمان خپله آئيني موده پوره كړي. هغې ووئيل چې د ميا نواز شريف لندن ته رسېدو سره د ﴿ن﴾ ليګ وياندو په پاكستان كښې چې كوم بېړنې حالې په ځائ كړے، ناڅاپي ختم شوے. ډاكټر فردوس عاشق اعوان ووئيل چې ﴿ن﴾ ليګ د سترې محكمې پشان د ټاكنو په كميسون كښې چې كومه يوه پاڼه وړاندې كړې، هغه هم قطري لګي.
مضمون کا ماخذ : گونزو کی تلاش
