كوئټه 19دسمبر(اے پی پی) نګران وزيراعظم انوار الحق كاكړ د هېواد د تګ راتګ نظام ښه كولو٬د ګاډو لپاره د سيفټي سرټيفكيټس اجرا نظام جوړولو سپارښتنې كولو سره وئېلي دي د ګاډو د لائسنس اجرا او تصديق لپاره دې يو موثر ډيټا بيس او د هېواد په ساحل د غېر قانوني كبانو نيوونكو مخ نيوي لپاره خاص پېټرولنګ فورس جوړ كړے شي۔د نهې په ورځ د وزيراعظم آفس مېډيا ونګ لخوا جاري شوي پرېس ريليز له مخې وزيراعظم انوار الحق كاكړ په مشرۍ كښې بلوچستان كښې د نګران حكومت انتظامي پیشرفت د جاج اغستو غونډه وشوه۔په غونډه كښې وزيراعظم ته د نګران حكومت په دور كښې په بېلو اقداماتو په پېشرفت بريفنګ وركړے شو چې پكښې د بلوچستان د اوبو پانګې ٬د كورونو جوړول ٬معدنيات٬مواصلات٬قانون او انصاف٬ د كبانو نيول او په نورو څانګو بريفنګ شامل ؤ ۔وزيراعظم په غونډه كښې اړوندو چارواكو ته په بلوچستان كښې د ترسيل ستونزې زر تر زره حل كولو هدايت وكړو او صوبائي انتظاميې ته ئې ووئيل چې د بلوچستان ټولو سيمو ته د اوبو رسنه باوري كړئ۔په غونډه كښې وزيراعظم ته د كال 2022 سېلاب نه پس په صوبه كښې د بنيادي ډهانچې تعمير نو په اړه بريفنګ هم وركړے شو۔دغسې وزيراعظم په صوبه كښې د تېر سېلاب له امله د ځپليو كورنيو بحالۍ او د هغوي د كورونو بيا رغونې عمل لا تندولو لپاره امر وكړو ۔په غونډه كښې وزيراعظم بلوچستان كښې كان كنۍ ته باقاعده د ادارې درجه وركولو د پېشرفت نه هم خبر كړے شو ۔وزيراعظم ووئيل د بلوچستان اولس سباون د كان كنۍ او معدنيات څانګه كښې د قامي او نړيوالې سرمايه كارۍ سره تړلے دے۔وزيراعظم په غونډه كښې د هېواد تګ راتګ نظام ښه كولو٬د ګاډو لپاره سيفټي سرټيفكيټس اجرا نظام جوړولو هم هدايت وكړو ۔وزيراعظم ووئيل د ګاډو د لائسنس اجرا او تصديق لپاره يو موثر ډيټا بيس جوړ كړئ۔وزيراعظم په غونډه كښې د هېواد په ساحل غېر قانوني كبانو نيوونكو مخ نيوي لپاره د خاص پېټرولنګ فورس جوړولو هدايت هم وكړو ۔په دې مهال وزيراعظم سپارښتنه وكړه په ګوادر كښې د غېر قانوني ټرالرو تګ راتګ مخ نيوي لپاره په ځايې خلقو مشتمل يو موثر پټرولنګ فورس جوړ كړئ۔په غونډه كښې د بلوچستان نګران وزيراعلٰی مير علي مردان خان ډومكي٬د اطلاعات او خپرونو نګران وفاقي وزير مرتضٰی سولنګي٬د تعليم وفاقي وزير مدد علي سندهي٬د صوبائي كابينې غړو او د صوبائي انتظاميې اعلٰی افسرانو ګډون كولو
د وزيراعظم انوار الحق كاكړ په مشرۍ كښې بلوچستان كښې د نګران حكومت د انتظامي پېشرفت جاج اغستو غونډه
مضمون کا ماخذ : لاٹوفاسیل
متعلقہ مضامین
