اسلام آباد 16 جون (اے پي پي) په خارجه وزارت كښې په بهرني هېوادونو كښې د مېشته پاكستانيانو ګيلو اندراج او ازالې لپاره”اېف اېم پورتل”جوړ كړې شوې۔ په دې لړ كښې د شورو په ورځ په خارجه وزارت كښې د “اېف اېم پورټل”تعارفي دستوره وشوه۔ په تعارفي دستوره كښې خارجه سېكرټري سهيل محمود او د خارجه وزارت سينئر افسرانو هم ګډون كولو۔د دستورې په پېل كښې د “اېف اېم پورټل”خدوخال او د اغراض مقاصد په اړه مفصل بريفنګ وركړې شو۔دا پورټل به په ابتدائي توګه د خارجه وزارت او پنځه پاكستانو سفارتخانو سره تړلې شي چې پكښې جده٬دوبئي٬بارسلونا٬لندن او نيويارك كښې جوړې كړې شوې پاكستانۍ سفارتخانې شامل دي۔خارجه وزير شاه محمود قرېشي په خپل خطاب كښې ووئيل چې دا مهال 9 ملين څخه زيات پاكستاني بهرني هېوادونو كښې موجود دي٬زمونږ ډېرې سفارتخانې د وسائلو كمي سره مخ دي۔شاه محمود قرېشي ووئيل چې دا ځل زمونږ ترسيلات زر د 29 ارب ډالر څخه زيات دې د كوم كرېډېټ چې بهرني هېوادونو كښې مېشته پاكستانيانو ته ځي۔ده ووئيل چې په نني دور كښې بهرني هېوادونو كښې د مېشته پاكستانيانو ښه خذمت كولو لپاره ټېكنالوجي كارول د ډاډ وړ ده۔مونږ بهرني هېوادونو كښې مېشته پاكستانيانو ته فيصله سازۍ كښې د ګډون حق وركول غواړو۔خارجه وزير ووئيل مونږ غواړو چې بهرني هېوادونو كښې مېشته پاكستانيانو ته د رائے وركولو حق وركړې شي او په دې اړه قانون سازي پېل كړې شوې ده۔مونږ دوه ځاي ايز شهريت لرونكو ته هم په ټاكنو كښې د ګډون حق وركول غواړو۔ خارجه وزير ووئيل چې زه به د دې پي اېم پورټل پخپله څارنه كوم٬د دې پورټل مقصد د ډيجيټلائزېشن ودې د لارې كاركردګۍ كښې لا ښه والې راوستل دي۔
په خارجه وزارت كښې په بهرني هېوادونو كښې د مېشته پاكستانيانو ګيلو اندراج او ازالې لپاره”اېف اېم پورتل”جوړ كړے شوے
مضمون کا ماخذ : بولو دا میگا سینا
متعلقہ مضامین
