اسلام آباد اچ انتشار و فساد کھنڈاوݨ آلیں دی نشاندہی سانڳے ٹاسک فورس بݨاݙتی ،وفاقی انسداد فسادات فورس دی تشکیل ،وفاقی فرانزک لیب دے قیام اتے پراسیکیوشن کوں تکڑا کرݨ دا فیصلہ
اسلام آباد۔29نومبر(اے پی پی) وز??رِاعظم محمد شہباز شریف گزریل ݙینھاں اسلام آباد اچ انتشار تے فساد کھنڈاوݨ آلیں دی نشاندہی اتے انہاں دے خلاف مؤثر کارروائی سانڳے وز??رداخلہ سید محسن رضا نقوی دی سربراہی اچ ٹاسک فورس بݨاݙتی جݙاں جو وفاقی انسداد فسادات فورس دی تشکیل ،وفاقی فرانزک لیب دے قیام ،اسلام آباد سیف سٹی منصوبے کوں جدید خطوط تے استوار اتے پراسیکیوشن کوں تکڑا کرݨ دا فیصلہ وی کیتے تے آکھیے جو 24 نومبر دی لشکر کشی کوں خیبر پختونخوا سودھے سارے پاکستانیاں مسترد کرݙتے۔ وز??راعظم آفس دے پریس ونگ توں جاری بیان موجب وز??راعظم محمد شہباز شریف دی ِ صدارت اچ امن و امان دی صورتحال تے اعلیٰ ??طح دا اجلاس منعقد تھئے۔ وز??راعظم گزریل ݙینھاں اسلام آباد اچ انتشار و فساد کھنڈاوݨ آلیں دی نشاندہی اتے انہاں دے خلاف مؤثر کارروائی سانڳے وز??رِ داخلہ سید محسن رضا نقوی دی سربراہی اچ ٹاسک فورس بݨاݙتی ۔ وز??ر قانون و انصاف اعظم نذیر تارڑ، وز??ر اقتصادی امور احد خان چیمہ، وز??راطلاعات و نشریات عطاء اللہ تارڑ اتے سکیورٹی فورسز دے نمائندے وی ایں ٹاسک فورس اچ شامل ہوسن ۔ٹاسک فورس 24 نومبر کوں انتشار کھنڈاوݨ اچ ملوث مسلح لوکاں تے پر تشدد واقعات اچ ملوث لوکاں دی نشاندہی یقینی بݨیسی تاں جو انہاں کوں قانون موجب قرار واقعی سزا ݙیوائی ونڄ سڳے۔ اجلاس اچ وز??رِ اعظم ملک اچ آندے کہیں وی قسم دے انتشار و فساد دیاں کوششاں کوں روکݨ سانڳے وفاقی انسداد فسادات فورس بݨاوݨ دا فیصلہ کیتے ، انسداد فسادات فورس کوں بین الاقوامی معیار دی پیشہ وارانہ صلاحیتاں اتے سازو سامان نال لیس کیتا ویسی ۔ اجلاس اچ وفاقی فرانزک لیب دے قیام دی وی منظوری ݙتی ڳئی ۔ وفاقی فرانزک لیب اچ ایجھے واقعات دی تحقیقات و شواہد کٹھے کرݨ سانڳے جدید ٹیکنالوجی دا استعمال یقینی بݨایا ویسی ۔ اجلاس اچ اسلام آباد سیف سٹی منصوبے کوں جدید خطوط تے استوار کرݨ ، وفاقی پراسیکیوشن سروس کوں تکڑا کرݨ تے افرادی قوت ودھاوݨ دے حوالے نال وی فیصلہ کیتا ڳئے ۔ ایں موقع تے وز??راعظم محمد شہباز شریف آکھیے پاکستان الحمدللہ استحکام دے پاسے ٹردا پئے ، پاکستان دے استحکام تے ترقی دے دشمناں دے مذموم مقصد کامیاب ن?? تھیوݨ ݙیسن، انہاں آکھیے خیبرپختونخوا بہادر و غیور عوام دا صوبہ اے، مٹھی بھر انتشاری، پر امن اتے غیور پشتوناں دی نمائندگی نی کریندے ۔ انہاں آکھیے 24 نومبر دی لشکر کشی کوں خیبر پختونخوا سودھے سارے پاکستانیاں مسترد کرݙتے ، پاکستان دے تحفظ اتے ایندی معاشی و قومی سلامتی دے تحفظ سانڳے ساریں کوں رل تے ایجھی مذموم کوششاں کوں روکݨا ہوسی ۔اجلاس اچ نائب وز??راعظم و وز??رِ خارجہ اسحاق ڈار، چیف آف آرمی سٹاف جنرل سید عاصم منیر، وفاقی وزراء خواجہ محمد آصف، احد خان چیمہ، اعظم نذیر تارڑ، عطاء اللہ تارڑ، مشیر رانا ثناء اللہ خان، وز??رِ اعلی پنجاب مریم نواز شریف، سینئر وز??ر پنجاب مریم اورنگزیب اتے متعلقہ اعلیٰ حکام شرکت کیتی۔
.jpg)
