اسلام آباد۔8نومبر (اے پی پی) وفاقی وزیر اطلاعات، نشریات، قومی ورثہ تے ثقافت عطاء اللہ تارڑ آکھیا جو تحریک انتشار آپݨے انتشار دے پندھ کوں جاری رکھی پئی اے، انہاں دامقصد صرف این آر او ڳھنݨ اے۔ خیبر پختونخوا اچ عوام دا کوئی پرسان حال کائنی۔ پرائمری سکولاں دے استاد احتجاج کریندے پئن جڈانجو صوبے دی قیادت صرف احتجاجی سیاست اچ مصروف اے۔ معیشت کوں مستحکم کرݨ دے بعد اساں ترقی آلے پاسے ویندے پئیوں۔ وزیراعظم 10 نومبر کوں عرب اسلامک سمٹ اچ شریک تھیوݨ کیتے سعودی عرب ویندے پئن۔ وزیراعظم کوپ 29 اجلاس اچ وی شریک تھیسن۔ جمعے کوں پی ٹی وی ہیڈ کوارٹرز اچ پریس کانفرنس توں خطاب کریندیں ہوئیں وفاقی وزیر اطلاعات آکھیا ??و پاکستان کرکٹ ٹیم آسٹریلیا دے خلاف ݙوجھے ون ڈے میچ اچ شاندار کھیݙیے۔ قومی ٹیم دی ون ڈے میچ اچ جت حوصلہ افزا اے۔ کپتان محمد رضوان وکٹ دے چپھوں ودھ کیچ پکڑݨ دا ریکارڈ ٻݨائے۔ آندے کڄھ ݙینھ اچ پاکستان کرکٹ ٹیم آپݨا ونجیا مقام حاصل کریسی۔ پوری قوم اتے کرکٹ ٹیم کوں مبارخ ݙٰینداں۔ وفاقی وزیر آکھیا جو وزیراعظم شہباز شریف10 نومبر کوں سعودی عرب روانہ تھیسن اتے غزہ اچ تھیوݨ آلے م??الم دے خلاف ریاض سمٹ اچ شریک تھیسن۔ عرب ملکاں اتے م??لم ملکاں دے سربراہان ریاض اچ کٹھے تھیندے پئن تانجو ہک زبان تھی تے غزہ اتے فلسطین دے م??املے تے حکمت عملی ٻݨائی ونڄے اتے اتحاد تے اتفاق ݙکھایا ونڄے۔ وفاقی وزیر آکھیا جو وزیراعظم ہر فورم تے فلسطین دے م??املے تے آواز چاتی اے۔ اقوام متحدہ دی جنرل اسمبلی اچ وزیراعظم دی تقریر کوں پوری دنیا اچ ساریاں توں ودھ ݙٹھا ڳئے۔ وزیراعظم کوپ29 دے اجلاس اچ وی شریک تھیسن۔ انہاں آکھیا جو فلسطین دے میڈیکل طلباء پاکستان اچ تعلیم حاصل کریندے پئن۔ ݙو سو توں ودھ میڈیکل سٹوڈنٹس پاکستان آڳئن۔ وفاقی وزیر عطاء اللہ تارڑ آکھیا جو آذربائیجان پاکستان اچ ݙو ارب ڈالر دی سرمایہ کاری دا اعلان کیتے، آذربائیجان ایجھا ملک اے جتھ پاکستانی جھنڈے لڳیے نظر آندن۔ آذربائیجان دوست اتے سٹریٹجک پارٹنر اے۔ وفاقی وزیر اطلاعات آکھیا جو تحریک انتشار آپݨی روش تے قائم اے۔ تحریک انتشار صرف این آر او کیتے ملک اچ انتشار پیندی پئی اے۔ انہاں آکھیا جو وزیراعلی خیبرپختونخوا قومی ایشوز اتے امن و امان دی صورتحال تے سنجیدہ نی تھیندے پئن۔ انہاں آکھیا جو خیبرپختونخوا دے احتجاج کرݨ آلے استادیں دی ڳالھ سݨی ونڄے۔ انہاں دے م??البے فوری منیے ونڄن۔ وفاقی وزیر اطلاعات آکھیا ??و پاکستان دی معیشت استحکام نا?? ترقی آلے پاسے ویندی پئی اے۔ ملکی زرمبادلہ دے ذخائر ودھدے پئن۔ معاشی اشاریے بہتر تھیندے پئن۔ پاکستان دی معیشت کوں بہتر کرݨ کیتے ݙینھ رات کوشش کریندے پئیوں۔ یو اے ای دا وفد سرمایہ کاری کیتے یو اے ای دے وفد دی وزیراعظم نا?? اڄ ملاقات تھیسی۔ اساݙی ترسیلات زر اکتوبر دے مہینے اچ 3 ارب ڈالر رہیین جیڑھا جو حوصلہ افزاء اے۔ اساݙے زرمبادلہ دے ذخائر 11 ارب ڈالر دی حد پار کر ڳئن۔ عطاء اللہ تارڑ آکھیا جو وزیراعظم ونٹر پیکج بارے ٻہوں وݙا اعلان کرݨ ویندے پئیوں۔ مجموعی طور ملک اچ ترسیلات زر ، فارن ایکسچینج ریزرو بہتر تھین اتے مہانگ ڳھٹ ڳئی اے۔ انہاں آکھیا جو آئی ایم ایف دا پروگرام جینویں طے تھیے ایں نا?? ثابت تھیندے جو اساں ترقی آلے پاسے ویندے پئیوں۔ وفاقی وزیر اطلاعات آکھیا جو عوامی جہیں تے بدتمیزی، ڳالھیں مندے تحریک انتشار دے حامیاں دا وطیرہ ٻݨ ڳئی اے۔ بدتمیزی کرݨ آلے سوشل میڈیا تے م??افیاں منڳدے پئن۔ وزیر اطلاعات آکھیا جو تحریک انتشار صوابی اچ جلسہ کریندی پئی اے۔ او آپݨے صوبے اچ آپݨے آپ توں کیا مطالبہ کریندی پئی اے۔ انہاں آکھیا جو سپریم کورٹ بار دے الیکشن دا نتیجہ26 ویں آئینی ترمیم تے مہر اے۔ وفاقی وزیر عطاء اللہ تارڑ آکھیا ??و پاکستان ترقی کریندا پئے۔ انہاں آکھیا جو اساݙے سارے ملکاں نا?? چنڳے تعلقات ہن۔ کہیں ہک ملک نا?? اساݙا تعلق کہیں ݙوجھے ملک دی قیمت نا?? کائنی۔ پاکستان ترقی کریندا پئےاتے اتے کریندا رہسی۔ وزیراعظم دی قیادت اچ معیشت ترقی کریندی پئی اے۔ ہک سوال دے ولدے اچ انہاں آکھیا جو سعودی عرب نا?? معاہدیاں اچ پیش رفت جاری اے۔ کڄھ کمپنیاں پاکستان امدی پئن۔ معاملات چنڳے طریقے نا?? اڳوں ویندے پئن۔ انہاں آکھیا ??و پاک چین دوستی لازوال اے۔ ݙوہیں ملکاں وچال بہترین تعلقات ہن۔ وزیراعظم چینی سفارتخانے دا دورہ کیتے۔ چینی سفارتکار نا?? ملاقات کیتی اے اتے جیڑھے چینی باشندے زخمی تھئے ہن اوں تے تعزیت کیتی اتے ملزماں کوں کیفر کردار تئیں پڄاوݨ دا یقین ݙوائے۔ انہاں آکھیا جو سی پیک پاکستان دی لائف لائن اے، سی پیک فیز ٹو تیزی نا?? جاری اے۔ انہاں آکھیا جو تحریک انصاف دے رہنما 26 ویں آئینی ترمیم دا مسودہ ڳھن تے جیل ڳئے تاں انہاں کوں آکھیا ڳئیا جو اے کیا چاتے آ??و، میکوں ٻاہر کݙھو، پی ٹی آئی آلے پارٹی دے اندر ریفرنڈم کرا ڳھنن جو او غلام ہن یا کائنا۔ ایبسلوٹلی نا?? ہک کوڑا بیانیہ اے۔ انہاں آپݨے اقتدار اچ پاکستان دی معیشت کوں فیدہ ݙتے؟پاکستان اچ کیا ریفارمز ڳھن تے آئن؟ انہاں صرف سوسائٹی کوں تقسیم کیتے۔ ہک سوال دے ولدے اچ انہاں آکھیا جو مہانگ ڳھٹ ڳئی اے۔ پٹرول، اٹا، بجلی گزریل سال دے مقابلے سستی اے۔
تحریک انتشار آپݨے انتشار دے پندھ کوں جاری رکھی پئی اے، انہاں دامقصد صرف این آر او ڳھنݨ اے، وفاقی وزیر اطلاعات عطاء اللہ تارڑ
مضمون کا ماخذ : پاور بال کے نمبر
متعلقہ مضامین
.jpg)
