اسلام آباد۔5جنوری (اے پی پی):صدر مملکت ڈاکٹر ع??رف علوی آکھیے جو بھارت ہندوتوا جیہی متعصبانہ پالیسیاں پاروں تباہی دے پاسے ویندا پئے ،کشمیری عوام حق خودارادیت دی جدوجہد اچ کلھے کائنی، اقتصادی طور تے مضبوط پاکستان دنیا دے سامݨے کشمیریاں دا مقدمہ بہتر طریقے نال رکھ سڳدے ، پاکستان قانونی تے اخلاقی اعتبار توں کشمیر دا مقدمہ لڑسی ، بھارت مقبوضہ کشمیر دا آبادیاتی تناسب بدالݨ دی مذموم کوشش کریندا پئے ، اے ڳال انہاں ٻدھ کوں اتھاں ایوان صدر اچ کتاب”بانگ” دی تقریب ??ون??ائی توں خطاب کریندے ہوئیں آکھی اے جیڑھا جو مقبوضہ کشمیر دے طویل ترین سیاسی قیدی ڈاکٹر قاسم فکتو تحریر کیتی اے ۔ تقریب دا اہتمام پارلیمانی کشمیر کمیٹی کشمیر یوتھ الائنس دی سانجھ نال کیتا ہئی ۔ تقریب اچ چیئرمین کشمیرکمیٹی شہریارآفریدی اتے وزیر مملکت پارلیمانی امور علی محمد خان وی شرکت کیتی۔ صدر مملکت آکھیے جو مقبوضہ جموں و کشمیر اچ انسانی حقوق دیاں سنگین پامالیاں جاری ہن، بھارت اچ مسلماناں سودھے اقلیتاں محفوظ کائنی ۔ صدر ڈاکٹر ع??رف علوی آکھیے جو 5 جنوری دا ݙینھ ٻہوں اہمیت رکھیندے ، اقوام متحدہ دی سلامتی کونسل ایں ݙینھ کشمیریاں توں رائے شماری دا وعدہ کیتا ہئی تے لمبے عرصہ گزرݨ دے باوجود عالمی ادارے اے وعدہ پورا نی کیتا ۔ انہاں آکھیے جو قائداعظم کشمیر کوں پاکستان دی شہ رگ قرار ݙتا ہئی ، جنہاں دے اصولاں دے تحت برصغیر تقسیم تھیا ، بین الاقوامی برادری مسئلہ کشمیر دے حل کیتے اپݨا وعدہ پورا نی کیتا ۔ انہاں ایں ڳال اتے افسوس دا اظہار کیتے جو عالمی برادری مقبوضہ کشمیر اچ تھیوݨ آلے بھارتی ظلم تے ریاستی دہشت گردی توں چشم پوشی اختیار کر رکھی اے، 2019ء اچ بھارت دفعہ 370 اتے 35 اے دے تحت کشمیر کوں حاصل خصوصی حیثیت ختم کر ݙتی جیں دا مقصد مقبوضہ علاقہ اچ مسلم اکثریت کوں اقلیت اچ بدلݨ اے ۔ صدر مملکت آکھیے جو بھارت اچ ہندوتوا دی کیفیت ول ابھر تے سامݨے آئی اے ۔
بھارت ہندوتوا جیہی متعصبانہ پالیسیاں پاروں تباہی دے پاسے ویندا پئے ،کشمیری عوام حق خودارادیت دی جدوجہد اچ کلھے کائنی ،صدر مملکت ڈاکٹر عارف علوی دا کتاب ’’بانگ‘‘ دی تقریب رونمائی توں خطاب
مضمون کا ماخذ : نتیجہ ڈوپلا سینا
متعلقہ مضامین
.jpg)
