اسلام آباد ۔ 29 جولائی (اے پی پی) وزیر اعظم عمران خان آکھیے جو اساڈی جنگ حقوق اتے قانون دی بالادستی دی جنگ اے، ملک اچ قانون دی حکمرانی آونجے تاں سارے مسئلے مک ویسن ، وڈا جرم کرنڑ آلیں کوں سہولتاں ملدیاں رہ گن ،پورے ملک تے 24 ہزار ارب روپے دے قرضے چڑھاونڑ آلیں کوں جیل اچ ٹی وی اتے اے سی ملدے ، غریب دے گھر اچ اے سہولت کائنی ،اساں پسے ہوئے طبقے کوں اتے گھن آونڑاں اے ،سابق حکمراناں دیاں عیاشیاں پاروں کمزور طبقہ پسدا پئے ،اسلامی تعلیمات دے مطابق اقلیت کوں مکمل تحفظ ڈتا ویسی،قرآن دا حکم اے جو کہیں کوں زبردستی دائرہ اسلام اچ داخل نی کیتا ونج سگدا۔پاکستان کوں ریاست مدینہ دے اصولاں دے مطابق ڈھال ڈیسوں۔اے گال انہاں سنوار کوں ایوان صدر اچ اقلیتاں دے قومی ڈینھ دے حوالے نال ہک خصوصی تقریب نال خطاب کریندے ہوئیں کیتی اے ۔ تقریب اچ صدر مملکت ڈاکٹر عارف علوی، وفاقی وزیر مذہبی امور و بین المذہب ہم آہنگی نور الحق قادری اتے وزیر اعظم دی معاون خصوصی اطلاعات و نشریات ڈاکٹر فردوس عاشق اعوان سمیت ارکان پارلیمنٹ اتے اقلیتی برادری نال تعلق رکھنڑ آلے لوکاں وڈی تعداد اچ شرکت کیتی ۔ وزیراعظم عمران خان آکھیا اساں ملک کوں ریاست مدینہ دی طرز تے ہک جدید ریاست بنڑاونڑ چاہندوں، ریاست مدینہ دے حوالے نال ہک واضح وژن اے ، سارا کجھ جانڑدوں جو اتھاں کیرھے لوکاں اسلام دے ناں تے دکاناں بنڑائیاں ہویاں ہن ۔انہاں آکھیا پاکستان واحد ملک اے جیرھا اسلام دے ناں تے قائم تھیا تے اساں کیتے ریاست مدینہ ہک نمونہ اے جیرھا جو حضور اک??م قائم کیتی ہئی ۔انہاں آکھیا جو ریاست مدینہ دا مطالعہ کیتے بغیر قیام پاکستان دا مقصد حاصل نی کیتا ونج سگدا ،ریاست مدینہ دے اصل وژن بارے قوم کوں ڈسیسوں۔انہاں آکھیا علامہ اقبال دا وژن اساڈے سامنڑے اے ، ریاست مدینہ نویں پاکستان کیتے ہک ماڈل دی حیثیت رکھیندی اے ، علامہ اقبال دے فلسفے دا مطالعہ کرو تاں پتہ لگدے جو مدینہ دی ریاست دے اصولاں تے عمل کرتے ہی ترقی کرسگدوں ۔وزیر اعظم آکھیا جو یونیورسٹیاں اچ اساں ریاست مدینہ تے پی ایچ ڈی کرویسوں، دنیا دے ترقی یافتہ ملکاں ریاست مدینہ دے اصولاں کوں سامنڑے رکھ تے ترقی کیتی اے ۔انھاں آکھیا حضور اک??مﷺ 1400 سال پہلے ریاست مدینہ دے ناں تے جدید ریاست قائم کیتی تے اپنڑے آخری خطبے اچ انہاں فرمایا جو اساں سارے رنگ و نسل توں بالا تر تھی تے حضرت آدم ؑ دی اولاد ہوں ۔وزیر اعظم آکھیا جو حضور اک??م ﷺ ریاست مدینہ دی بنیاد اصولاں اتے قوانین تے رکھی اتے عدل و انصاف دے حوالے نال ہک مثال قائم کیتی، انہاں میثاق مدینہ کیتا ، نجران توں آونڑ آلے مسیحی برادری دے لوکاں کوں مسجد نبوی اچ ٹھہرایا، مسیحی برادری نال معاہدہ کیتا جو قیامت تئیں مسلمان انہاں دیاں عبادتگاہیں دی حفاظت کرییسن ،اساکوں عوام اچ ریاست مدینہ دی سوچ پیدا کرنڑیں ہوسی،اقلیتاں سمیت سارے لوکاں دے کٹھا تھیونڑ نال ملک مضبوط تھیسی۔وزیر اعظم آکھیا جو قرآن پاک دا حکم اے جو دین اچ کہیں کوں زبردستی شامل نی کیتا ونج سگدا، عورتاں دے نال زبردستی شادی اتے انہاں کوں زبردستی اسلام اچ داخل کرنڑ غیر اسلامی فعل اے، ایں حوالے نال سندھ اچ اساں واقعات سنڑدے رہندوں۔
اساڈی حقوق اتے قانون دی بالادستی دی جنگ اے ، قانون دی حکمرانی ہووے تاں سارے مسئلے مک ویسن ، وزیر اعظم عمران خان دا ایوان صدر اچ اقلیتاں دے حوالے نال تقریب توں خطاب
مضمون کا ماخذ : عمومی کلیدی الفاظ
متعلقہ مضامین
