اسلام آباد ۔ 20 فروری (اے پی پی) وزیراعظم عمران خان آکھیے جو حکومت اقوام متحدہ دے ترقیاتی ادارہ (یو این ڈی پی) دے نینگراں کوں بااخت??ار بنڑاونڑ دے اقدام کوں اگی تے ودھا تے نینگراں کوں مرکزی دھارے اچ گھن آونڑ سانگے قائدانہ کردار ادا کریسی۔ وزیراعظم اے گال اپنڑے معاون خصوصی امور نوجوانان محمد عثمان ڈار اتے یو این ڈی پی دے پاکستان اچ نمائندے اگناشیو ارتزا نال گال مہاڑ کریندے ہوئیں آکھی ۔جنہاں بدھ کوں انہاں دے نال ملاقات کیتی۔ وزیراعظم کوں یو این ڈی پی دے یوتھ امپاورمنٹ پروگرام بارے وی ڈسایا گیا ،جیندا مقصد وزیراعظم دے یوتھ پروگرام دے سانجھے داری نال پنج سال دے عرصے دوران پاکستان اچ نینگراں نال رابطے رکھیندے ہوئیں انہاں کوں بااخت??ار بنڑاونڑ دے اقدامات اچ مدد کرنڑ اے ۔ محمد عثمان ڈار وزیراعظم کوں پہلی قومی یوتھ کانفرنس، نیشنل یوتھ ڈویلپمنٹ انڈیکس اتے نیشنل یوتھ ڈویلپمنٹ پروگرام جیہا آندے حکومتی پروگراماں بارے اتے نینگراں دے گروپس اتے فریقاں دے نال رابطے نال یو این ڈی پی دے نال رل مل تے کیتیاں گیاں سانجھیاں کوششاں بارے ڈسایا۔ انہاں نیشنل یوتھ ڈویلپمنٹ پروگرام بنڑاونڑ سانگے حکومتی کوششاں اچ یو این ڈی پی دی تکنیکی اتے وسائل دی معاونت دی تعریف کیتی جو حکومت دے نینگراں سانگے سارے اقدامات کیتے پلیٹ فارم داکم کریسی۔ اتھاں اے گال وڈی اہم ہے جو محمد عثمان ڈار ہنڑیں ہی یو این ڈی پی یوتھ امپاورمنٹ پروگرام دی سٹیئرنگ کمیٹی دی سانجھی صدارت کیتی اے ۔ انہاںامید ظاہر کیتی ہے جو اساڈی ادارہ جاتی سانجھے داری پاکستانی نینگراں دے نال بامقصد رابطے، معیاری تعلیم اتے ??وزگار دے سانجھامقصد نال جڑی ہ??ئی ہ??سی۔ یوتھ امپاورمنٹ پروگرام دا مقصد روزگار تے ??قتصادی خودمختاری، سماجی رابطہ کاری اتے ??علیم تے ہنرمندی دی اپروچ دے ذریعے نینگراں ،تریمتیں تے مرداں کوں بااخت??ار بنڑاونڑاں اے ۔ ایں پروگرام دے ذریعے ملک اچ تریمتیں سمیت ڈو لکھ نینگراں کوں بااخت??ار بنڑایا ویسی۔ عثمان ڈار وزیراعظم کوں ”تعلیمی رضاکار“ پروگرام اتے مدرسیں دے طالب علماں کوں ودھ سارے موقع ڈے تے مرکزی دھارے اچ گھن آونڑ دیاں کوششاں بارے وی ڈسایا۔ وزیراعظم ملک دے نینگراں سانگے تعلیم، روزگار اتے ہنرمندی دے ??وا??ے نال حکومت پاکستان دے نال مسلسل وابستگی اتے ??ابطے تے یو این ڈی پی دی تعریف کیتی۔
وزیراعظم دی عثمان ڈا ر تے یو این ڈی پی دے پاکستان اچ نمائندہ اگناشیو ارتزا نال ملاقات
مضمون کا ماخذ : خوش قسمتی کا رش
متعلقہ مضامین
