اسلام آباد ۔ 18 دسمبر (اے پی پی) وزیراعظم عمران خان آکھیے جو پاکستان ہمیشہ کیتے بدلنڑ آلا اے،پاکستان کوں حقیقی فلاحی ریاست بنڑیسوں،حکومت جنوبی پنجاب کوں ترقی یافتہ بنڑاونڑ کیتے پرعزم اے، ترقیاتی منصوبیاں اتے عوامی مسائل دے حل کیتے وزیراعظم آفس اچ پبلک افیئرز ونگ فعال بنڑاونڑ، ڈویژنل سطح تے ارکان قومی اسمبلی دی کمیٹی بنڑائی ویسی۔ اے گالھ وزیراعظم عمران خان ڈیرہ غازی خان ڈویژن دے پاکستان تحریک انصاف دے ارکان قومی اسمبلی نال ??الھ مہاڑاچ آکھی اے۔ملاقات اچ وزیراعظم دے معاون خصوصی برائے سیاسی امور نعیم الحق اتے قومی اسمبلی اچ چیف وہپ ملک محمد عامر ڈوگردے نال نال دیرہ ڈویژن دے ارکان قومی اسمبلی ڈاکٹر شیریں مزاری، زرتاج گل وزیر، خواجہ شیراز محمود، محمد امجد فاروق خان کھوسہ، سر??ار محمد خان لغاری، سر??ار محمد جعفر خان لغاری، سر??ار نصراللہ خان دریشک،محمد شبیر علی قریشی، مخدوم باسط بخاری، عامر طلال ??وپانگ، عبدالمجید خان نیازی، نیاز احمد جکھڑاتے سر??ار ریاض محمود خان مزاری شامل ہن۔ارکان اسمبلی وزیراعظم دے ویژن دے مطابق عوام دی خدمت اتے ملک دی ترقی کیتے ڈینہہ رات ہک کرت?? کم کرنڑ دا عزم دوہرایا۔ انہاں وزیراعظم دی مخلص اتے دیانتدار قیادت تے اعتماد دا اظہار کریندے ہوئیں آکھیا جو او جنوبی پنجاب دی پسماندگی دور کرنڑ کیتے خلوص نال ??م کریسن۔ملاقات اچ جنوبی پنجاب اچ انتظامی خود مختاری دے معاملیاں تے پیشرفت دا جائزہ گھدا گئے۔وزیراعظم جنوبی پنجاب بارے اپنڑے روڈ میپ دی تکمیل دے عزم دا وی اعادہ کیتا۔انہاںا ٓکھیے جو پاکستان ہمیشہ کیتے بدلنڑ آلا اے، ساڈا مقصد پاکستان کوں حقیقی فلاحی ریاست بنڑاونڑ اے جیندے اچ پسے ہوئے طبقے کوں اگو تے گھن آیا ویسی۔ارکان قومی اسمبلی وزیراعظم کوں اپنڑے حلقیاں دے عوامی مسائل، جنگلات و زراعت دی ترقی اتے فلاحی و ترقیاتی منصوبیاں بارے ڈسایا۔وزیراعظم یقین ڈیوایا جو موجودہ حکومت جنوبی پنجاب کوں ترقی یافتہ بنڑاونڑ دا عزم کیتا ہو??ے،??یویں جنوبی پنجاب دے عوام انتخابات اچ پی ٹی آئی تے اعتماد ڈکھائے اساں اوکوں پورا کریسوں۔ملاقات اچ فیصلہ کیتا گئے جو ممبران قومی اسمبلی دے حلقیان اچ ترقیاتی منصوبیاں اتے عوامی مسائل دے فوری حل کیتے وزیراعظم آفس اچ سینئر افسر دے تحت پبلک افیئرز ونگ فعال ??یتا ویسی جیہڑا صوبیاں نال وی مستقل رابطہ اچ راہسی جڈاں جو ڈویژنل سطح تے وی ارکان قومی اسمبلی دی کمیٹی تشکیل ڈتی ویسی جیہڑی عوامی مسائل دا مقامی قیادت دی مشاورت اتے صوبائی حکومت دے تعاون نال حل یقینی بنڑیسی۔
حکومت جنوبی پنجاب کوں ترقی یافتہ بنڑاونڑ کیتے پرعزم اے، وزیراعظم عمران خان
مضمون کا ماخذ : comprar raspadinha
متعلقہ مضامین
