اسلام آباد ۔ 29 مارچ (اے پی پی) وزیراعظم شاہد خاقان عباسی آکھیا جو دنیا اچ دہشت گردی دے خلاف ساریں توں وڈی جنگ پاکستان لڑی اے ۔پاکستان دی مسلح فوج ،پولیس تے سیک??رٹ?? اداریں تے عام شہریاں ایں جنگ اچ اپنڑیاں جاناں دے نذرانے پیش کیتے جیں پاروں اج پاکستان اچ امن تھی گے ۔او خمیس کوں وزیرا عظم آفس اچ نوبل انعام یافتہ ملالہ یوسف زئی دے اعزا ز اچ تقریب نال خطاب کریندے پے ہن ۔ایں موقع تے بہوں سارے وفاقی وزیراں تے ،قومی اسمبلی دے ارکان طالب علم تے طالبات تے معززین موجود ہن ۔تقریب نال ملالہ یوسف زئی وی خطاب کیتا جڈاں جو تقریب اچ شریک وفاقی وزیراں تے ارکان اسمبلی سمیت مختلف شخصیات ملالہ یوسف زئی کوں انہاں دی خدمات تے خراج تحسین پیش کیتا ۔ وزیراعظم شاہد خاقان عباسی تقریب نال خطاب کریندے ہوئیں آکھیا جو انہاں کوں ودھ ساری خوشی تھی اے اج اساڈی بالڑی ساری دنیا اچ ودھ ساری شہریت حاصل کیتی تے او اپنڑے گھر واپس آئی اے ۔انہاں آکھیا جڈاں ملالہ یوسف زئی جڈاں اتھوں گی تاں 13سال دی ہئی ہنڑ واپس آئی اے ت??ں او دنیا دی ہک مشہور شخصیت ہن ۔دنیا انہاں کوں عز ت ڈتی اے ،پاکستان وی انہاں کوں عزت ڈیسی ۔انہاں ملالہ یوسف زئی کوں مخاطب کریندے ہوئیں آکھیا پاکستان تیڈا گھر اے ،اساں تہاکوں خوش آمدید آکھدوں ،تساں جڈاں وی چاہو اتھاں آﺅ ،تساں ہنڑ عام شہری کائنوے ،تساڈی سیک??رٹ?? اساں تے لازم اے ۔انہاں آکھیا اساں اج وی دہشت گردی دے خلاف جنگ لڑدے پیوں تے لڑدے رہسوں ۔انہاں آکھیا دنیا اچ دہشت گردی دے خلاف پاکستان ساریں توں وڈی جنگ لڑی اے ،ایں وقت وی ڈو لکھ توں ودھ جوان تے افسر اپنڑے گھر بار چھوڑ تے دہشت گردی دے خلاف جنگ اچ مصروف عمل ہن تے نہ صرف پاکستان بلکہ دنیا سانگے امن دا کردار ادا کریندے پن ملالہ یوسفزئی کوں آکھیا او دنیا اچ پاکستان دی نمائندگی کریندے رہن ۔انہاں آکھیا بالڑیں دی تعلیم سانگے ملالہ دی خدمات ناقابل فراموش ہن ۔ملالہ دے مشن دی تکمیل سانگے اساڈا تعاون تے کوششاں نال ہن ۔ایندے توں پہلے تقریب نال خطاب کریندے ہوئیں نوبل انعام یافتہ ملالہ یوسفزئی آکھیا جو ساڈھے پنج سال بعد وطن واپسی تے بہوں خوش ہم ۔انہاں آکھیا گزریل پنج سال اچ میں ایہو خواب ڈٹھا ہم جو میں اپنڑے وطن واپس آ سگاں ۔میکوں ہنڑ وی یقین کائنی آندا پیا جو میں پاکستان آئی ہاں ۔پاکستان اچ بغیر کہیں ڈر دے لوکاں نال گال کرنڑ میڈا خواب ہئی ۔انہاں آکھیا انشاءاللہ آندیاں نسلاں ہی پاکستان دامستقبل ہن ۔پاکستان اچ بالاں دی تعلیم سانگے کم کرنڑ چاہندی ہاں ۔اساکوں بالاں دی تعلیم تے سرمایہ کاری کرنڑیں اے ۔انہاں آکھیا تریمتیں کوں تعلیم دے ذریعے خود مختار بنڑاونڑ بہوں ضروری اے ۔بالڑیںدی تعلیم تے ودھ ساری توجہ ڈیندے پیوں تاں جو او اپنڑے پیراں تے کھڑیاں تھی سگن ۔انہاں آکھیا میں پنج سالاں اچ جتھاں وی گی ہاں میں ہر جاہ تے پاکستان بارے سوچے ۔میڈی عمر بہوں گھٹ اے مگر میں بہوں کجھ ڈٹھے ۔ میڈاا علاقہ سوات جتھاں میں اکھ کھولی ، بہوں خوبصورت علاقہ ہئی، جیں کوں دہشت گردی تباہ کر ڈتا ۔ اپنڑے ملک کوں چھوڑ تے ونجنڑ میں سانگے بہوں تکلیف دہ ہئی میں اتھوں کائناں ونجنڑ چاہندی ہن لیکن علان سانگے باہر ونجنڑاں پیا ۔انہاں وزیراعظم تے تقریب دے شرکاءدا شکریہ ادا کیتا ۔ تقریب اچ وفاقی وزیر سی??یٹر مشاہد اﷲ خان اتے وفاقی وزیر تعلیم و پیشہ وارانہ تربیت انجینئر بلیغ الرحمان ملالہ یوسف زئی کو ںخراج تحسین پیش کیتا تے آکھیا او ایجھا کم کریندیاں پن جیرھی پاکستان سانگے فخر دی گال اے۔ انجینئر امیر مقام ملالہ یوسف زئی کوں پشاور آونڑ دی دعوت وی ڈتی ۔ وفاقی وزیر انجینئر بلیغ الرحمان آکھیا پاکستان تعلیم دے شعبے اچ پہلے توں بہوں ودھ سارے فنڈز خرچ کیتن ۔حکومت پاکستان تے یونیسکو تعلیم دے شعبے اچ بہوں سارا کم کیتے ۔ تقریب دے شرکاءدے سوالاں دے جواب ڈیندے ہوئیں ملالہ یوسفزئی آکھیا جو پاکستان تے عوام سانگے جمہوریت ہی فائدہ مند ثابت تھی سگدی اے ،اساکوں ہک ڈوجھے دے خیالات تے صلاح کوں سنڑنڑاں چاہیدے ،تے ت??لیم، صحت، اقتصادی ترقی جیہوجے ایشوز جیرھے جو غیر سیاسی ایشوز ہن تے اساں سیاست توں بالاتر تے ہک مٹھ تھی تے کم کرنڑ دی ضرورت اے ۔انہاں آکھیا پاکستان اچ مضبوط جمہوریت اے تے عوام دی جمہوریت نال وابستگی اے جیرھی جو بہوں اہمیت رکھیندی اے ۔
دہشت گردی دے خلاف ساریں توں وڈی جنگ پاکستان لڑی،اساڈی سکیورٹی فورسز، پولیس، پیرا ملٹری فورسز تے عوام ایں جنگ اچ جاناں ڈتیاں، ملک اچ امن قائم تھی گے وزیراعظم شاہد خاقان عباسی دا ملالہ یوسف زئی دے اعزاز اچ تقریب نال خطاب
مضمون کا ماخذ : jogos de loteria Nordeste
متعلقہ مضامین
