اسلام آباد 12 اګست (اے پي پي) د ډائمنډ جوبلي دستورو په لړ كښې د پارليمان مېرمنو غړو ډلې وومن كاكس تر سيوري لاندې د مېرمنو كنونشن د جمعې په ورځ د قامي اسمبلۍ په هال كښې وشو۔د قامي اسمبلۍ سپيكر راجه پروېز اشرف د كنونشن مشري وكړه۔په كنونشن كښې د پارليمان اوسنو او پخوانو مېرمنو غړو٬د ژوند بېلا بېلو څانګو سره تعلق لرونكو مېرمنو٬د سكولونو٬كالجونو او د پوهنتونونو زده كوونكو جينكو ګډون كولو۔د كنونشن تهيم”مركز يقين شاد باد” ؤ ۔ كنونشن ته ووئيل شول د كال 2008م د ټاكنو نه پس كله چې ډاكټر فهميده مرزا سپيكره جوړه شوه نو هغې د وومن كاكس بنياد كېښودو۔د دې مقصد د مېرمنو حقونو لپاره قانون سازي٬د صنفي امتياز خاتمه او مېرمنو ته په ټولنه كښې د سړو برابر موقعې وركول وو۔په دې لړ كښې وومن كاكس ډېر كار كړے۔د كنونشن په پېل كېدو سپيكر د ټولو ګډون كوونكو هركلے وكړو او وې وئېل د پاكستان د آزادۍ ورځ زمونږ د مشرانو د قربانو او هڅو يادكېرنه راكوي۔زمونږ مېرمنو هم د تحريك پاكستان نه واخله تر تعمير پاكستان لوي كردار ترسره كړے۔د محترمه فاطمه جناح٬بېګم رعنا لياقت علي خان٬بېګم نصرت بهټو٬بېګم كلثوم او محترمه بېنظيربهټو پشمول د نورو مېرمنو كردار د ستائنې وړ دے۔د پاكستان لوڼو په خپل كردار د وطن بېرغ هسك ساتلے ۔وومن كاكس د صنفي امتياز خاتمې لپاره لوي كردار ترسره كړے۔په دې موقع د وومن كاكس سېكرټري شاهده رحماني ووئيل د ډائمنډ جوبلي په موقع دا كنونشن خوشبينه دے او په دې مونږ د سپيكر مننه كوو٬ 75 كاله پس په دې هال كښې چې كوم عزت وركړے شوے دا يو نوې تاريخ جوړ شو۔ دې ووئېل په تحريك پاكستان كښې محترمه فاطمه جناح٬شائسته اكرم الله او مېرمنې چې كله عملي مېدان ته راغلې نو حالات بدل شول٬كه د پاكستان د جوړېدو نه پس محترمې فاطمه جناح ته موقع وركړې شوې وه نو هېواد به نه دوه ټوټې كېدو۔ دې ووئېل محترمه بېنظير بهټو هم د امريت په ضد مزاحمت كړے او خپل كردار يې په نورو منلے۔هغه د جمهوريت شهيده ده او تل به ياد ساتلې شي۔كنونشن ته د ګلګت بلتستان څخه سعديه دانش٬د آزاد جمو كشمير پخوانې ډپټي سپيكر شاهين كوثر ډار٬سېنېټر روبينه خالد٬د سندھ څخه سېنېټر رخسانه زبيري٬د پنجاب څخه د قامي اسمبلۍ غړې شائته پروېز ملك٬د اسمبلۍ پخوانۍ غړې كشور خان٬د اېم كيو اېم د اسمبلۍ غړې كشور زهرا٬د ټرانس جينډرز نمائندګي كونكې ببلي٬سحر كامران٬نيئر علي او وجيحه اكرم هم وېنا وكړه۔په دې موقع وجيه اكرم قرارداد وړاندې كولو كښې ووئيل د مېرمنو دا كنونشن د ډائمنډ جوبلي په موقع د تحريك پاكستان په هڅو كښې كردار ترسره كوونكو مېرمنو ته د عقيدت پیرزوئنې وړاندې كوي۔دا كنونشن غوښتنه كوي چې مېرمنو ته دې د قرآن او سنت له مخې د وركړې شوو حقونو تحفظ وكړے شي٬د دې نه علاوه د نړيوال كنونشنز او قوانين له مخې چې مېرمنو ته كوم حقونه ترلاسه دي هغه دې هم باوري كړے شي۔په دې مهال كنونشن په اتفاق سره دا قرارداد منظور كړو
د ډائمنډ جوبلي دستورې٬د پارليمان مېرمنو غړو لخوا د وومن كاكس تر سيوري لاندې كنونشن
مضمون کا ماخذ : لاٹری ٹکٹ جیتنے کے نمبر
متعلقہ مضامین
.jpg)
