اسلام آباد۔19اکتوبر(اے پی پی) وفاقی وزیر اطلاعات، نشریات، قو??ی ورثہ و ثقافت عطاءاللہ تارڑ آکھیے اساں جمہوری ذہن دے لوک ہیسے ، آئینی ترامیم سانڳے نمبر پورے ہن ل??کن ساݙی کوشش اے مکمل اتفاق رائے نال اڳوں ٹریا ونڄے۔ساݙا فرض اے ساریاں سیاسی جماعتاں کوں آن بورڈ ڳھدا ونڄے، مشاورت دا عمل تکھے جاری اے ، کوشش اے اینکوں اڄ ہر حال اچ مکمل کرڳھدا ونڄے۔ پارلیمنٹ ہاؤس دے ٻاہروں مسلم لیگ (ن) دے سینئر رہنما حنیف عباسی دے رلے میڈیا نال ڳالھ کریندے وفاقی وزیر اطلاعات آکھیے قو??ی اسمبلی دا اجلاس اڄ شام 7 وڄے سݙیا ڳئے ، آئینی ترامیم تے سیاسی مشاورت دا عمل جاری اے، مکمل اتفاق رائے پیدا کرݨ دی کوشش کیتی ڳئی اے ، ساریاں سیاسی جماعتاں دی مشاورت دے عمل اچ حصہ گھنݨ جمہوریت دا حسن اے۔ ان??اں آکھیے بلاول بھٹو زرداری دی وزیراعظم محمد شہباز شریف تے مولانا فضل الرحمان نال ملاقاتاں تھئن ، پی ??ی آئی دے وفد وی اڈیالہ جیل اچ بانی چیئرمین پی ??ی آئی نال ملاقات کر ڳھدی اے ۔ نمبرز پورے تھیوݨ تے ہوم ورک مکمل تھیوݨ دے باوجود اساں کوشش کیتی اے جو مشاورتی عمل نہ روکیا ونڄے تے آئینی ترمیم تے وسیع ترمشاورت تے اتفاق رائے پیدا کیتا ونڄے، آئینی ترامیم تے ساݙا فرض اے جو ساریاں سیاسی جماعتاں کوں آن بورڈ ڳھدا ونڄے تے ھک ھک شق تے ڳالھ مہاڑ کتے اینکوں توڑ پڄایا ونڄے، ان??اں آکھیے اتنی مشاورت کہیں وی قانون سازی یا آئینی ترامیم تے کائنی تھئی جیڑھی ہݨ تھیندی پئی اے اساں جمہوری سوچ دے لوک ہیسے ساݙی کوشش اے جو سارے سیاسی اسٹیک ہولڈرز وچال اتفاق رائے تھیوے ۔اساں کنے نمبر وی پوری ہن تے ل??کن جمہوری معاشریں دی سوچ ایہا ہوندی اے جو مشاورت تے اتفاق رائے بݨایا ونڄے۔ خیبر پختونخوا دے اندر رولز تبدیل کرتے پولیس افسراں دی پوسٹنگ اتے ٹرانسفر دے اختیارات آئی جی توں گھن تے وزیراعلیٰ اپݨے کنے رکھ ڳھدن ، ان??اں آپݨے لوک خیبر پختونخوا دے اندر بند کیتے ہوئے ہن ، ان??اں پولیس کوں سیاسی انجینئرنگ اچ ملوث کر تے ایں توں سیاسی کم گھنݨ دی کوشش کیتی، پولیس کوں وفاق دے خلاف استعمال کیتے۔ اے لوکاں کوں سیاسی طور تے کنٹرول اچ گھنݨ چاہندے ہن ، پنجاب توں وی جنہاں لوکاں دا تعلق ہئی انہاں کوں بند کیتے تے الزام اداریں تے لاݙتا ڳئے ، ان??اں وفاق دے خلاف سرکاری وسائل دا استعمال کیتے، جݙاں اے ݙوجھیں تے الزام لیندن تاں آپݨا گریبان کیوں نی ݙیکھدے ان??اں دا آپݨا طرز عمل کیا ہے، ان??اں بانی چیئرمین پی ??ی آئی نال غدداری تے جلاﺅ گھیراؤ تے گھر، کاروبار تباہ کرݨ دیاں تڑیاں ݙتن ان??اں شہداءدے مجسمے ڈھائے، آئی ایم ایف کوں خط لکھیے ، ایس سی او سبوتاژ کرݨ دی کوشش کیتی ڳئی تے ایں تے ان??اں کوں کوئی مسئلہ نی تھیا ساریں توں پہلے ساݙا ملک اے سیاسی لیڈر تے سیاسی جماعتاں بعد اچ ہن جے کہیں رکن پارلیمنٹ تے حملے کیتے تاں ریاست ایکشن گھنسی ، ریاست دی عملداری ہر صورت قائم رہسی ۔ وفاقی وزیرآکھیے تحریک انصاف دے لوک الزام ایں سانڳے لیندے پئن جو ان??اں کوں پتہ اے جو ساݙے نمبرز پورے ہن، الزام تراشی دی سیاست کر تے اے سیاسی فیس سیونگ چاہندن ۔ ان??اں آکھیے اے آپݨے سوشل میڈیا اکاؤنٹس کوں آرمی چیف تے ملکی اداریں دے خلاف تاں استعمال کرسڳدن ل??کن اے کݙاہیں زیک گولڈ سمتھ دے خلاف استعمال نہ کریسن ۔ صحافیاں دے سوالاں دا جواب ݙیندے ان??اں آکھیے آئین تے قانون دے اندر رہندے ہوئیں ٻئے آپشنز موجود ہن مگر ساݙی لیڈر شپ تے پارٹی دی سوچ اے جو اتفاق رائے پیدا کیتا ونڄے، ان??اں آکھیے وݙے دل دا مظاہرہ کریندے کھلے ذہن نال آئینی ترامیم تے اڳوں ودھدے پیوں ، تحریک انصاف دی طرفوں دیر تھئی ، تحریک انصاف دے لوک اپݨے لیڈر نال ملݨ توں گھبریندے پئے ہن ، وسیع تر قو??ی مفاد اچ عدالتی اصلاحات دے حوالے نال چنڳاں سمجھیا ڳئے تاں ول آئین و قانون دے دائرے اچ رہ تے ٻئے آپشنز دے پاسے ویسوں ۔ ھک سوال تے ان??اں آکھیے پنجاب دے کالجاں اچ طلباءکوں ھک منظم مہم دے ذریعے اکسایا ڳئے۔ کل ھک تریمت سوشل میڈیا تے نقلی خبر جاری کیتی ایں تریمت دا تعلق کراچی توں ہے، ان??اں آکھیے ریپ دی نقلی خبر کھنڈاوݨ آلیں کوں ٹریس کرڳھدا ڳئے، ان??اں آکھیے طلباءدے اڄوکے احتجاج اچ کہیں طالب علم تے کوئی تشدد نی کیتا ڳیا طلبا دے احتجاج اچ ھک سیکورٹی گارڈ وی جاں بحق تھئے ،سوشل میڈیا تے منظم مہم دے ذریعے طلباءکوں سڑکاں تے گھن آیا ڳئے۔ پنجاب اچ بھاہ کھنڈائی ڳعی ایں مہم اچ جیڑھے لوکاں حصہ ڳھدا ان??اں دےخلاف ایف آئی آر درج تھی چکی اے ھک سوال تے ان??اں آکھیے بانی چیئرمین پی ??ی آئی دے خلاف 190 ملین پاؤنڈ، توشہ خانہ، سائفر کیسز عدالتاں اچ زیر سماعت ہن، 190 ملین پاؤنڈ کیس پاکستان دی تاریخ دا میگا کرپشن کیس اے، شہزاد اکبر بارے میں پہلے وی آکھیا ۃئی جو اے ملک توں بھڄ ویسن کیساں دے حوالے نال زیرو ٹالرنس پالیسی اے، قو??ی مجرم کوں کہیں قسم دا این آر او نہ ݙتا ویسی ، ان??اں آکھیے 9 مئی دے کیساں کوں وختی منطقی انجام تئیں پڄایا ونڄے۔ ھک سوال تے ان??اں آکھیے وزیر قانون اعظم نذیر تارڑ ارکان پارلیمنٹ کوں مسودے تے بریفنگ ݙتی اے ، مسودہ تے وزیر قانون میڈیا کوں وی بریف کریسن تے فلور آف دی ہاؤس تے وی ڳالھ کریسن ، حکومتی اتحاد دے سارے لوک اتھاں موجود ہن ، محمد نواز شریف تے حمزہ شہباز وی تھوڑی دیر بعد قو??ی اسمبلی پڄ ویسن او وی ووٹنگ اچ حصہ گھنسن سارے نمبرز پورے ہن۔ ھک سوال تے ان??اں آکھیے کݙاہیں کہیں صحافی نال کوئی تلخی نی رہی ، ہمیشہ کوشش ہوندی اے جو ہر صحافی دی خوشی غمی اچ شرکت کراں، خیبر پختونخوا ہاؤس دے ٻاہر وی جیڑھے صحافی ڈیوٹی ݙیندے پئے ہوندن میݙی کوشش ہوندی اے ان??اں دا وی خیال رکھیا ونڄے ، ان??اں آکھیے جے کہیں صحافی دے خلاف کوئی کارروائی تھیندی پئی اے تاں ایندی نشاندہی کرو، آزادی صحافت سانڳے 24 گھنٹے حاضر ہاں۔
.jpg)
