اسلام آباد – 15 نومبر (اي پي پي) اطلاعات، نشريات ۽ قومي ورثي واري مملڪتي وزير مريم اورنگزيب چيو آهي ته قانون جا ٻه معيار نه ٿا ٿي سگهن، جڏهن انصاف ٿيندو نظر نه اچي ته سوال ته اٿن ٿا، هڪ چونڊيل وزيراعظم کي اقامي جي بنياد تي گهر موڪليو ويو، ان تي ڪرپشن جو ڪو الزام نه آهي نه ئي ڪرپشن جو ڪو ثبوت مليو پر هاڻي الزام ۽ ثبوت ڳوليا پيا وڃن. احتساب عدالت ٻاهران صحافين سان ڳالهائيندي مملڪتي وزير چيو ته هڪ اشتهاري جيڪو 2 سالن کانپوءِ دهشتگردي جي خاتمي واري عدالت ۾ پيش ٿيو ۽ ان کانپوءِ به ان جو فيصلو محفوظ ڪيو وڃي ٿو، گذريل درخواست جيڪا سپريم ڪورٽ ۾ وئي هئي ان کي تسليم به ڪيو وڃي ٿو.
مضمون کا ماخذ : ماہی گیری کا جنون
