اسلام آباد۔12اکتوبر(اے پی پی) آئینی ترمیم تے پارلیمان دی خصوصی کمیٹی مسودہ جات تے غور سانڳے اعظم نذیر تارڑ دی سربراہی اچ قانونی ماہرین تے مشتمل سب کمیٹی بݨا ݙتی جݙاں جو وفاقی وزیر قانون اعظم نذیر تارڑ ھک واری ول واضح کیتے جو موجودہ چیف جسٹس دی مدت 25 اکتوبر کوں ختم تھیندی پئی تے آئین موجب سینئر ترین جج دی تعیناتی ??ا نوٹیفیکیشن کرݙتا ویسی ۔ پارلیمانی کمیٹی اچ آئینی عدالت دے قیام ، جوڈیشل کمیشن دی نویں سروں تشکیل تےججاں دی کارکردگی دی جانچ دے نظام تے غور کیتا ڳئے ۔ کمیٹی دا اجلاس سید خورشید شاہ دی سربراہی اچ تھیا جیں اچ کمیٹی دے ارکان ڈپٹی وزیراعظم اسحاق ڈار، سید نوید قمر، سینیٹ?? کامران مرتضی، وفاقی وزیر قانون و ان??اف اعظم نذیر تارڑ، عرفان صدیقی، بیرسٹر گوہر، عمر ایوب خان، محمد اعجاز الحق، فاروق ستار، شیری رحمان اتے انوشہ رحمان سودھے ٻئے کمیٹی ممبران شرکت کیتی۔ بعد اچ اجلاس دے حوالے نال میڈیا کوں مختصر بیان اچ وفاقی وزیر قانون و ان??اف اعظم نذیر تارڑ آکھیے اجلاس دے دوران آئینی ترامیم دے مسودے تے ڳالھ تھئی اے ، اجلاس اچ قانونی ماہرین تے مشتمل ذیلی کمیٹی بݨائی ڳئی اے جیں اچ بیرسٹر گوہر، کامران مرتضی، انوشہ رحمان شامل ہن جݙاں جو میں اتے نوید قمر وی ایندا حصہ ہوسوں ، کمیٹی منگل تئیں مسودے تے غور کریسی ۔ ھک سوال تے انھاں آکھیے سپریم کورٹ دے موجودہ چیف جسٹس 25اکتوبر کوں سبکدوش تھیندے پئن آئین پاکستان اچ جے سینئر ترین جج کوں چیف جسٹس تعینات کرݨ دا لکھیے تاں اوہو چیف جسٹس ہوسی تے انھاں دی تقرری ??ا نوٹیفیکیشن 25 اکتوبر کوں حکومت جاری کرݙیسی جیں اچ انھاں دے حلف دی تاریخ تے جاہ دا وی تعین ہوسی۔
