اسلام آباد۔10فروری (اے پی پی):وزیراعظم عمران خان آکھیے جو سینیٹ انتخابات کیتے سیاستداناں دی منڈی لڳی ہوئی اے ، 30 سال توں سینیٹ الیکشن وچ ووٹ وکدن ، بلوچستان اچ سینیٹ دی ھک سیٹ دا ریٹ 50 توں 70 کروڑ روپے اے، پنج سال پہلے میکوں خود سینیٹ انتخابات اچ پیسے دی آفر تھئی ، پیسہ لاتے سینیٹر بݨ ونڄݨ آلا پیسہ ہی بݨیسی ، ماضی اچ اوپن بیلٹ دا مطالبہ کرݨ آلے اڄ آپݨے مطالبے توں کیوں پچھوں ہٹ ڳئن ، خفیہ ووٹنگ اچ حکومت کوں اپوزیشن توں ودھ سیٹاں مل سڳدن ، سینیٹ الیکشن اگر اوپن بیلٹ توں نہ تھیا تاں اپوزیشن آلے روسن ، پی ڈی ای?? چوری بچاوݨ کیتے یونین بݨی ہوئی اے ، برآمدات ودھاوݨ نال روپیہ مضبوط اتے مہانگ گھٹ تھیسی ۔ انہاں اے ڳالھ ٻدھ کوں کلر سیداں اچ صحافیاں نال ڳالھ مہاڑ کریندے ہوئیں آک??ی اے ۔وزیراعظم عمران خان آکھیے جو سوال تاں اے ھے جو کیا ات??اں سیاستداناں دے ضمیر دا سودا تھیندے یا کائناں، رشوتاں ݙے تے ضمیر مل ڳھدا ویندے ۔ ای?? ??ی ایز اتے سینیٹرز ملک دی قیادت ہن۔رشوت ݙے تے سینیٹر بݨ ونڄݨ تے ای?? ??ی ایز دےضمیر ویچݨ دا سلسلہ 30 سال توں چلدا پئے اتے ساریں توں وݙا سوال اے ھے جو ای??دے اچ سیاسی قیادت کوں وی پیسہ ملدے ۔ وزیراعظم آ??ھیے جو میکوں خود پنج سال سینیٹ دے انتخابات اچ پیسے دی آفر تھئی ہئی ، جݙاں سیاسی قیادت کوں پتہ اے جو سینیٹ دے انتخابات اچ پیسہ چلدے تاں انہاں ای??کوں روکݨ دی کوشش کیوں نی کیتی ، اے جمہوریت دی نفی اے، جمہوریت اچ اے کیویں تھی سڳدے جو پیسہ لاتے کوئی سینیٹر بݨ ونڄے ۔ وزیراعظم عمران خان آکھیے جو جنہاں ارکان کوں اساں پارٹی توں کڈھیا ہئی تاں انہاں کیس کیتے ہوئے ہن ،جے ویڈیو اساں ݙے ہوندی تاں عدالت اچ ڳھن ویندا ،ویڈیو ڈکھا تے کیس ہی ختم کرا ڳھندے ۔
