لاہور۔13دسمبر (اے پی پی) وزیراعظم عمران خان آکھیا جو آندے سال مارچ تئیں پن??اب اچ ہر ٹٻر کوں صحت کارڈ ملسی، پن??اب اچ ہیلتھ انشورنس تے 440 ارب روپے خرچے ویسن۔ یونیورسل ہیلتھ پروگرام نال پورے ملک اچ دے ہسپتالاں دا ڄال وچھایا ویسی، احساس راشن سکیم نال پنڄاہ ہزار توں ڳھٹ آمدݨ آلے ٹبر کوں پنڄاہ فیصد رعایت ملسی، 47 ارب روپے نال 62 لکھ سکالرشپس مستحق طلباء کوں ݙتے ویسن، حخومت اوکھے ویلھے عوام دی سوکھ ݙیوݨ دی پوری کوشش کریندی پئی اے۔ او سنوار کوں گورنر ہائوس لہور اچ صحت سہولت پروگرام دے تحت نیا پاکستان صحت کارڈ دی تقریب توں خطاب کریندے پئے ہن۔ ایں موقع تے گورنر پن??اب چوہدری محمد سرور، وزیراعلی پن??اب سردار عثمان بزدار ، وفاقی وزیراطلاعات و نشریات چوہدری فواد حسین ، وزیر مملکت برائے اطلاعات فرخ حبیب وفاقی وزرا ??ری??یڈیئر(ر) اعجاز شا ہ،شفقت محمود،حماد اظہر، وزیراعظم دے معاون خصوصی شہباز گل، ڈاکٹر فیصل سلطان، صوبائی وزیر صحت ڈاکٹر یاسمین راشد سودھے قومی اتے صوبائی اسمبلی دے ارکان شرکت کیتی۔ وزیراعظم عمران خان آکھیا جو غریب گھرانے اچ جݙاں کوئی بیمار تھیندے تاں اوں تے کیا گزردی اے اتے جئیں ویلھے کوئی آپݨے پیارے دا علاج نی کروا سڳدا تاں اوں ٹٻر تے بے وسی دا عالم ہوندے، اینکوں اساں چنڳی طرح ڄاݨدوں، اے اوں ویلھے تھیا جئیں ویلھے میݙی اماں کینسر دی بیماری اچ ہن اتے وسائل نہ ہووݨ پاروں علاج نہ تھیوݨ تے بے وس ہاسے۔ انہاں آکھیا جو دنیا دا کوئی ہسپتال 75 فیصد کینسر دے مریضاں دا علاج مفت نی کر سڳدا پر شوکت خانم کینسر ہسپتال سالانہ 10ارب روپے نال اے فریضہ نبھیندا پئے۔ انہاں آکھیا جو لہور دے بعد ہݨ کراچی اتے پشاور اچ وی کینسر دا ہسپتال ٻݨدا پئے ایں نال پاکستان اچ وی برکت امسی۔ وزاعظم آکھیا جو سیرت البنی بارے پوری آگاہی ݙیوݨ کیتے رحمت اللعالمین اتھارٹی ٻݨائی اے۔ انہاں آکھیا جو میں صحت کارڈ دے اجرا تے وزیراعلی پن??اب سردار عثمان بزدار اتے وزیرصحت پن??اب ڈاکٹر یاسمین راشد کوں مبارخ پیش کیتی اتے آکھیا جو پن??اب اچ ہیلتھ انشورنس تے 440ارب روپے خرچ تھیسن۔ ایں موقع تے وزیراعلی پن??اب سردار عثمان بزدار وی خطاب کیتا اتے وزیرصحت پن??اب ڈاکٹر یاسمین راشد خطبہ استقبالیہ پیش کیتا۔
آندے سال مارچ تئیں پنجاب اچ ہر ٹٻر کوں صحت کارڈ ملسی، پنجاب اچ ہیلتھ انشورنس تے 440 ارب روپے خرچے ویسن، وزیراعظم دا نیا پاکستان صحت کارڈ دی تقریب توں خطاب
مضمون کا ماخذ : sorteos dupla sena
متعلقہ مضامین
