تاشقند۔15جولائی (اے پی پی):وزیراعظم عمران خان پاکستان اتے ازبکستان دےصدیاں پراݨے تاریخی، ثقافتی اتے روحانی تعلقات دی اہمیت کوں اجاگر کریندے ہوئیں آکھیے جو ݙوہیں ملکاں وچال تجارتی تے ݙو پاسے رابطے دے ودھارے نال خطے اچ ترقی تے خوشحالی دے نویں رستے کھلسن، پاکستان وسطی ایشیا کوں ٻئی دنیا نال رلاوݨ تے تجارت دا محور بݨاوݨ دی بھرپور صلاحیت دا حامل اے ، پاکستان ازبکستان کوں آپݨی بندرگاہواں دے ذریعے مشرق وسطیٰ اتے افریقہ تئیں رسائی ݙے سڳدے ، ہمسایہ ملکاں دے نال تجارت توں لوکاں دا معیار زندگی اچا تھیسی ، افغانستان اچ پرامن سیاسی حل چاہندوں ، افغانستان اچ امن خطے کیتے اہم اے ، افغانستان اچ حالات بہتر تھیوݨ نال پاکستان، افغانستان ،ازبکستان ریلوے منصوبے کوں توڑ پڄاوݨ اچ مدد ملسی اے ڳال انہاں خمیس کوں ” وسطی اتے جنوبی ایشیا 2021 ؛ علاقائی رابطے دے چیلنجز اتے مواقع ” دے موضوع تے پاکستان ازبکستان بزنس فورم توں خطاب کریندے ہوئیں آکھی اے ۔ وز??راعظم آکھیے جو انہاں کوں ازبکستان دے دورے نال دلوں خوشی تھئی اے ۔ پاکستان تے ازبکستان دے تاریخی ، ثقافتی اتے روحانی رابطے ہن ۔ پاکستان اتے ا زبکستان دے عوام دے صدیاں پراݨے تعلقات ہن ۔ازبکستان دے وز??راعظم اتے کاروباری برادری کوں یقین ݙویندوں جو اساݙے اے تعلقات حالی آغازہن۔ اساں پر ??مید اوں جو اے تعلقات مزید مستحکم تھیسن ۔ وز??راعظم آکھیے جو پاکستان اچ ایں دورے دی اہمیت تے جوش و جذبے داندازہ ایں ڳال توں لاتا ونڄ سڳدے جݙاں او طیارے اچ سوار تھیندے پئے ہن تاں وݙی تعداد اچ پاکستانی کاروباری شخصیات انہاں دے موبائل فون تے دورے کیتے نہ سݙیے ونڄݨ دا شکوہ کریندے پئے ہن ۔ وز??راعظم آکھیے اساݙے کاروباری اتے تجارتی تعلقات داانحصار ایں ڳال اتے ھے جو اساں کتنا جلدی ھک ݙوجھے نال رابطے کوں عملی طور تے ودھارا ݙے سڳدوں ۔ افغانستان دے رستے ریلوے منصوبہ پاکستان تے ازبکستان ݙوہیں ملکاں کیتے ٻہوں اہمیت رکھیندے ۔ اے منصوبہ ازبکستان کوں پاکستان دے 22 کروڑ لوکاں دے نال رلیسی تے ول اساݙی بندرگاہواں دے ذریعے افریقہ اتے مشرق وسطی ٰ توں وی اڳوں وݙیاں مارکیٹاں تئیں رسائی دا موقع میسر آسی تے پاکستان ازبکستان دے رستے وسطی ایشیا نال جڑ ویسی جیڑھا جو وسطی ایشیا دی وݙی ر??اس?? اے اتے ازبکستان اساکوں وسط ایشیا اتے ایندے توں اڳوں تئیں رسائی دا ذریعہ بݨ سڳڈے ۔ وز??را عظم آکھیے جو ازبکستان دے صدر وی پاکستان دے نال تعلقات کوں تکڑا بݨاوݨ اچ دلچسپی رکھیندن تے ایں طرح دی دلچسپی اساکوں وی ھے جو افغانستان اچ امن تھیوے تے اتھاں سیاسی حل کیتے پر ??مید اوں کیوں جو افغانستان دے رستے رابطے نال ݙوہیں ملکاں کوں فیدہ تھیسی ۔ کاروباری طبقہ ایندے توں فیدہ چیسی تے لوکاں دا معیار زندگی وی چنڳاں تھیسی۔ وز??راعظم آکھیے دے زمانہ طالب علمی اچ جݙاں یورپی یونین دا قیام عمل اچ آیاتاں جیڑھے ملک وی یورپی یونین داحصہ بݨیے اتھاں دے لوکاں دا معیار زندگی اچا تھیسی ۔ایندے توں پہلے ازبکستان دے وز??راعظم عبداللہ عارفوف آکھیے جو پاکستان اتے ازبکستان وچال تجارت کوں ودھارا ݙیوݨ دے ٻہوں سارے موقع موجود ہن ۔ وز??راعظم عمران خان دے دورے دے دوران مختلف معاہدیں اتےمفاہمت دیاں یادداشتاں تے وی دستخط کیتے ویسن ۔
پاک ازبک تجارتی رابطے توں خطے اچ ترقی وخوشحالی دے نویں رستے کھلسن ،وزیراعظم عمران خان
مضمون کا ماخذ : prêmios raspadinha
متعلقہ مضامین
