اسلام آباد ۔ 14ستمبر (اے پی پی) وزیر اعظم عمران خان آکھیے جو تبدیلی سانگے اساکوں نو آبادیاتی ذہنیت توں باہر نکلنڑاں تے آقا تے غلام دی حکمرانی دا ??رز عمل تبدیل کرنڑاں ہوسی ،قوم کوں قرضیں اچوں کڈھنڑ سانگے سیاستداناں تے بیورو کریسی تے عوام کوں اپنڑے آپ کوں بدلنڑاں ہوسی ،دنیااچ کوئی چیز وی ممکن کائنی ۔جمعے کوں اتھاں وزیراعظم آفس اچ سول سرونٹس نال خطاب کریندے ہوئیں انہاں آکھیا جو تبدیلی او ں وقت آسی جڈاں اساکوں عوام دے ٹیکس نال جمع ہک ہک روپے دے خرچ دا ??حساس تھیوے ،وزیراعظم ہاﺅس دی 100دے نیڑے گاڈیاں ،چار ہیلی کاپٹر ،6منجھیں دی نیلامی علامتی اقدامات ہن تاں جو اساں نو آبادیاتی ذہنیت توں نکل ونجوں ،بیورو کریسی دے بغیر اساں اصلاحات دے پروگرام کوں اگی تے نی ودھا سگدے ،سول سرونٹس دی سیاسی وابستگی میں سانگے کوئی مسئلہ کائنی ،حکومت دا مسئلہ کاکردگی دا ہے ۔سول سرونٹس اسلوب حکمرانی دی بہتری سانگے چانس گھنن ،غلطیاں تھی و??ندن لیکن غلطیاں تھیونڑ مالیاتی چوری وچال تفریق کرنڑیں چاہیدی اے ،اساں پورا زور لیسوں جو تساک??ں سیاسی مداخلت تے دباﺅ توں آزاد رکھوں تے تساکوں عزت ملے ،بیوروکریسی تے سرکاری ملازمین دیاں تن??واہیں مناسب کائنی ،اگر اساں اے سسٹم ٹھیک کر گھدا ??اں تن??واہ دار طبقے سانگے اتنی مراعات ہوسن ولا انہاں کوں اپنڑے بالاں کوں معیاری تعلیم دی فکر کائناں ہوسی ،ڈو سال گزار ا کرنڑ دا فیصلہ کر گھنو تاں ملک اچ اتنا پیسہ امسی اتھاں قرضے تے بیروزگاری دے مسلے کائناں ہوسن تے پاکستان سرمایہ کاری تے سیاحواں سانگے اہم ترین مرکز ہوسی ۔ وزیراعظم عمران خان آکھیا جو اج پاکستان کوں جتنے چیلنج ہن ،ماضی اچ ایندی مثال نی پیش کیتی ونج سگدی ۔10سالاں اچ قرضے دا ??جم 6ٹریلین توں ودھ تے 30ٹریلین روپے تئیں پج گے ۔پاکستان صرف سود دی مد اچ روزانہ 6ار?? روپے ڈیندا پئے جیں دے نتیجے اچ ترقیاتی منصوبے تے بئے ضروری ملکی امور سانگے وسائل دی فراہمی دے مسلے سامنڑے آنسن تاں جو ایندے توں نکلنڑ دے رستے موجود ہن ۔ وزیر اعظم آکھیا جو اللہ سئیں قرآن شریف اچ واضح طور تے آکھیے جو اللہ کہیں قوم دی حالت اوں وقت تئیں کائنی بدلیندا ??ڈاں تئیں قوم خود کوں بدالنڑ دا پکا ارادہ نی کریندی ۔اگر ایں آیت تے غور کیتا ونجے تاں اللہ سئیں انساناں کوں اپنڑے آپ کوں بدالنڑ دا ??ستہ ڈکھیندے ۔وزیراعظم آکھیا اساڈے مسلے ودھ سارے ہن ملک چلاونڑ سانگے پیسہ کائنی ۔پاکستان دی 60فیصد آبادی نینگراں تے مشتمل ہے ۔پاکستان ہنڑ تئیں جتنے قرضے گھدن او دولت پیدا کرنڑ دی بجائے ضیان اچ ویندے پن ۔ورنج ٹرین ایں طرح دے بئے منصوبیں سانگے قرضے گھدے گن جیں تے سود ڈیندے پیوں ۔انہاں آکھیا میں ساری زندگی اے سنڑدا ??یاں جو میں فاسٹ باﺅ لر کائنی بنڑ سگدا ??ورلڈ کپ کائنی جت سگدے ،شوکت خانم ہسپتال نی بنڑا سگدے تے ملک اچ ڈو پارٹی نظام تبدیل نی کر سگدے ۔انہاں آکھیا اے کوئی ناممکن چیز کائناں ہئی لیکن ضروری ہے ایں سانگے اپنڑے آپ کوں تے سوج کوں بدالیا ونجے ۔وزیراعظم آکھیا جڈاں تئیں قوم اے فیصلہ کریندی جو اے حکومت اساڈی ہے اے ملک اساڈا ہے تاں تبدیلی لازمی آندی ا ے ۔دنیا دی کوئی حکومت تے فوج عوام دی طاقت تے حمایت دے بغیر کامیاب نی تھی سگدی کیوں جو 6لکھ فوج 20کروڑ لوکاں دی فوج بنڑ ویندی اے ،تبدیلی سانگے اساکوں نو آبادیاتی ذہنیت توں باہر نکلنڑاں ہوسی ۔ وزیر اعظم آکھیا جوپاکستان اچ گھٹ عمر دے بالاں دے شرح موت ودھ ہے ،ڈلیوری دے دوران تریمتاں دی موت دے اعداد شمار خوف ناک ہن ایں طرح ناقص غذائیت دی وجہ توں اساڈے 45فیصد بال ذہنی تے جسمانی نشونما کائنی پا سگدے میکوں حیرانگی ہے جو ایندے تے احتجاج کیوں نی تھیا ،ڈھائی کروڑ بال سکو ل نی و??ندے انہاں خوفناک اعداد شمار دے باوجود اساں ہنڑ تئیں انگریزاں دا نظام ختم کائنی کیتا ۔انہاں آکھیا او سرکاری افسراں تے ملازماں دے مسلیں ک??ں سمجھدن اساں پورا زور لیسوں جو تساک??ں سیاسی مداخلت اتے دباﺅ توں آزاد رکھوں تے تساکوں عزت ملے میڈی خواہش ہے جو تساں حکومت دے اصلاحات دے پروگرام دی پوری حمایت کرو۔
تبدیلی سانگے نو آبادیاتی ذہنیت توں باہر نکل تے آقا تے غلام دا طرز حکمرانی تبدیل کرنڑاں ہوسی ،قوم کوں قرضیں توں کڈھنڑ سانگے سیاستداناں تے بیورو کریسی تے عوام کوں اپنڑے آپ کوں بدلنڑاں ہوسی ،وزیر اعظم عمران خان دا سول سرونٹس نال خطاب
مضمون کا ماخذ : jogos de loteria Nordeste
متعلقہ مضامین
