اسلام آباد 10 جون (اے پي پي) د سمندر پورې پاكستانيانو په رالېږلو ترسيلات زر كښې د روان مالي كال د وړومبنو 11 مياشتو په مهال د تېر كال دې مودې په مقابل كښې ريكارډ 24.4 فيصد اضافه شوې. د سېټېټ بېنك رپورټ له مخې د روان مالي كال په مهال په وړومبنو 11 مياشتو كښې سمندر پورې پاكستانيانو 26.736 اربه ډالره زر مبادله هېواد ته رالېږلې كومه چې د تېر مالي كال دې مودې په مقابل كښې 24.4 فيصد زياته ده. د تېر مالي كال په دې موده كښې سمندر پورې پاكستانيانو 20.659 اربه ډالره زر مبادله هېواد ته رالېږلې وه. په مئي كال 2021م كښې د سمندر پورې پاكستانيانو د ترسيلات زر حجم 2.490 اربه ډالره ريكارډ كړے شوے. د تېر كال د مئي په مياشت كښې دا حجم 1.865 اربه ډالر ؤ. د سټېټ بېنك له مخې د ترسيلات زر په اړه سعودي عرب د لوي هېواد په توګه رامخې ته شوے چرته چې كار كوونكو پاكستانيانو د مالي كال په وړومبنو 11 مياشتو كښې 7.010 اربه ډالره زرمبادله هېواد ته رالېږلې كومه چې د تېر مالي كال دې مودې په مقابل 19.5 فيصده زياته ده. د تېر مالي كال دې مودې په مهال په سعودي كښې كار كوونكو پاكستانيانو هېواد ته 5.865 اربه ډالره زر مبادله رالېږلې وه. د روان مالي كال په مهال د يو اے اي څخه پاكستانيانو 5.888 اربه ډالره زر مبادله هېواد ته رالېږلې. په يو كے كښې مېشته پاكستانيانو د روان مالي كال په وړومبنو 11 مياشتو كښې 3.696 اربه ډالره زر مبادله هېواد ته رالېږلې كومه چې د تېر مالي كال دې مودې په مقابل كښې 66.6 فيصد زياته ده. په يو كے كښې مېشته پاكستانيانو د تېر مالي كال په دې موده كښې 2.219 اربه ډالره زر مبادله هېواد ته رالېږلې وه. امريكا د ترسيلات زر په اړه څلورم لوي هېواد دے. په امريكا كښې كار كوونكو پاكستانو خواري كښو د روان مالي كال په وړومبنو 11 مياشتو كښې 2.477 اربه ډالر زر مبادله هېواد ته رالېږلې كومه چې د تېر مالي كال دې مودې په مقابل كښې 58.1 فيصد زياته ده. د تېر مالي كال په دې موده كښې پاكستانيانو د امريكې څخه 1.566 اربه ډالره هېواد ته رالېږلي وو. د اوسني حكومت لخوا د قانوني او د بېنكونو په ذريعه د ترسيلات زر رالېږلو ډاډګېرنې لپاره د اسانيو او اقداماتو په نتيجه كښې ترسيلات زر رالېږل پرله پسې زياتېږي
د سمندر پورې پاكستانيانو په ترسيلات زر كښې د 11 مياشتو په مهال 24.4 فيصد اضافه شوې. سټېټ بېنك
مضمون کا ماخذ : sorteos میگا سینا
متعلقہ مضامین
