اسلام آباد۔22نومبر(اے پی پی) وفاقی وزیر تجارت جام کمال خان پاکستان دے ترائے ماہی تجارتی اعدادوشمار دا جائزہ گھنݨ سانڳے ھک اعلیٰ سطح دے اجلاس دی صدارت کیتی۔ جاری اعلامیہ موجب وفاقی وزیر تجارت کوں اجلاس اچ بین الاقوامی تجارت دے تازہ ترین رجحانات اتے بر??مدات ودھاوݨ سانڳے بݨائی ڳئی حکمت عملی دا ݙسایا ڳئے ۔ اجلاس اچ کامرس حکام اہم تجارتی شراکت داراں نال تجارتی کارکردگی دا ھک جامع جائزہ ݙتے ، ابھردی ہوئی بر??مدی منزلاں اتے نویں متعارف کرائی ڳئی بر??مدی چیزاں دا وفاقی وزیر کوں ݙسایا ڳئے۔ بریفنگ اچ مارکیٹ تئیں رسائی ودھاوݨ تے تجارت اچ تکنیکی رکاوٹاں ہٹاوݨ سانڳے عملی تجویزاں دی وی احاطہ کیتا ڳئے ، پاکستانی مصنوعات کوں عالمی منڈیوں تئیں پڄاوݨ یقینی بݨاوݨ دے بارے ڳالھ مہاڑ کیتی ڳئی ۔ اجلاس اچ ٻاہرلے ??وامل دے اثرات، جیھے عالمی اقتصادی لہہ چڑھ تے جغرافیائی سیاسی غیر یقینی صورتحال تے وی ڳالھ مہاڑ کیتی ڳئی ۔ کامرس افسراں دیاں کوششاں دی تعریف کریندے جام کمال وزیر اعظم شہباز شریف دے بر??مدات تے مبنی ترقی دی حکمت عملی دے وژن کوں اڳوں ودھاوݨ اچ وزارت تجارت دے مرکزی کردار تے زور ݙتے۔ انھاں آکھیے ساݙی معیشت دی کامیابی دا انحصار مضبوط بر??مدی بنیاد تے ہے ۔ اے سارے اسٹیک ہولڈرز بشمول صوبیں تے متعلقہ محکمیں توں سنجیدہ عزم تے تعاون تے مبنی کوششاں دا مطالبہ کریندے ۔ جام کمال بر??مدات دی قیادت اچ ترقی دی حکمت عملی کوں سنجیدگی نال انجام ݙیوݨ دی اہمیت دا اعادہ کیتے ۔اجلاس اچ تجارتی رکاوٹاں تے قابو پاوݨ تے بر??مدات دے ذریعے پائیدار اقتصادی ترقی گھنݨ سانڳے ھک متفقہ نقطہ نظر دی لوڑھ تے زور ݙتا ڳئے۔
