دوحہ ۔14نومبر(اے پی پی) چیئرمین جوائنٹ چیفس آف سٹاف کمیٹی جنرل ساحر شمشاد مرزا دوحہ اچ قطر دے نائب وزیراعظم ،وزیر دفاع اتے مسلح افواج دے چیف آف سٹاف شیخ سعود بن عبدالرحمن بن حسن بن علی الثانی نال انڄ انڄ ملاقاتاں کیتن جیں اچ علاقائی بدلدی صورتحال تے ڳالھ مہاڑ کیتی تے ݙو پاسے تعاون ودھاوݨ سانڳے سانجھے عزم دا اظہار کیتے۔ چیئرمین جوائنٹ چیفس کمیٹی پاکستان اتے ریاست قطر وچال مضبوط برادرانہ تعلقات تے روشنی پاتی تے دفاع اتے سلامتی دے شعبیں اچ ملٹری ٹو ملٹری تعاون مزید مستحکم کرݨ دا عزم کیتے ۔ قطری قیادت علاقائی استحکام یقینی بݨاوݨ اچ پاکستان دے مثبت کردار دا اعتراف کیتے تے دہشت گردی دے خلاف جنگ اچ پاکستان دی مسلح افواج دی پیشہ ورانہ مہارت اتے قربانیاں دی تعریف کیتی ۔ ایں توں پہلے قطر دی مسلح افواج دے ہ??ڈ کوارٹر پڄݨ تے چاق و چوبند فوجی دستے چیئرمین چیئرمین جوائنٹ چیفس آف سٹاف کمیٹی کوں گارڈ آف آنر پیش کیتا۔
