اسلام آباد۔18مئی (اے پی پی):وفاقی وزیر اطلاعات و نشریات چوہدری فواد حسین آکھیے جو پاکستان فل??طین دے مسئلے تے واضح موقف اپنائے،مسلم امہ اچ فل??طین دی صورتحال تے ٻہوں زیادہ بے چینی پاتی ویندی اے ، پاکستان پہلا اسلامی ملک اے جیں فل??طین دے مسئلے تے ٻہوں سخت تے واضح موقف اپنائے، پاکستان دے موقف کوں پوری امت مسلمہ تسلیم کریندی اے ، فل??طین کوں میڈیکل ایمرجنسی دی صورتحال دا سامݨا اے، پاکستان فل??طین دی امداد کریسی ، وزیر خارجہ شاہ محمود قریشی سودھے چار مسلم ملکاں دے وزراءخارجہ رل تے نیویارک ویسن، راولپنڈی رنگ روڈ کوں اٹک رنگ روڈ بݨایا ڳیا، منصوبے دی الائنمنٹ دی تبدیلی تے وزیراعظم تحقیقات دا حکم ݙتا، الائنمنٹ تبدیل کر تے قومی خزانے کوں ضیان پڄاوݨ دی کوشش کیتی ڳئی ، رپورٹ اچ غلام سرور خان اتے ذوالفقار عباس بخاری دا کوئی تذکرہ کائنی، ذوالفقار عباس بخاری تحقیقات مکمل تھیوݨ تئیں عہدے توں استعفیٰ ݙتے ، اینٹی کرپشن اتے متعلقہ ادارے معاملے دی مزید تحقیقات کریسن ، شفاف انتخابات کیتے الیکٹرانک ووٹنگ مشینیں ناگزیر ہن، ن لیگ اتے پیپلز پارٹی اوورسیز پاکستانیاں کوں ووٹ دا حق ݙیوݨ تے اپݨی پوزیشن واضح نی کریندیاں پئیاں ، تحریک انصاف اوورسیز پاکستانیاں کوں ووٹ دا حق ݙیوݨ کیتے پرعزم اے۔ وفاقی کابینہ پاکستان اتے چین دے سفارتی تعلقات دے 70 سال دے موقع تے 70 روپے دے یادگاری سکے دے اجراءاتے میسرز فل??ئی جناح سروسز لمیٹڈ کوں ریگولر پبلک ٹرانسپورٹ لائسنس (پسینجر اینڈ کارگو) ݙیوݨ دی منظوری ݙتی ۔ اے ڳال انہاں منگل کوں وفاقی کابینہ دے اجلاس دے بعد میڈیا کوں بریفنگ ݙیندے ہوئیں آکھی اے ۔ وفاقی وزیر اطلاعات چوہدری فواد حسین آکھیے جو وزیر خارجہ شاہ محمود قریشی دی منگل کوں ترک وزیر خارجہ نال انقرہ اچ ملاقات تھئی اے ، پاکستان، ترکی، فل??طین اتے سوڈان دے وزرائے خارجہ انقرہ اچ موجود ہن، چار مسلم ملکاں دے وزرائے خارجہ جنرل اسمبلی دے اجلاس اچ شرکت کیتے کٹھے نیویارک ویسن ۔ انہاں آکھیے جو ایں ویلھے مسلم امہ اچ فل??طین دی صورتحال تے ٻہوں بے چینی پاتی ویندی اے ، پوری امت مسلمہ ایں مسئلے تے پریشان اے، وزیراعظم شروع ݙینھ توں ہی ہی فل??طین دے مسئلے تے مسلم امہ کوں ھک لیڈر شپ فراہم کیتی اے ، اڄ پاکستان پہلا اسلامی ملک اے جیں فل??طین دے مسئلے تے ٻہوں سخت تے واضح موقف اپنائے ، اساں ایں موقف دے نال کھڑوں ، پاکستان دی فل??طین پالیسی دی بنیاد قائداعظم محمد علی جناح رکھی ہئی، اڄ ایں پالیسی دے امین وزیراعظم عمران خان ہن ، ایں مسئلے تے پاکستان دے موقف کوں پوری امت مسلمہ تسلیم کریندی اے ، فل??طین دی لیڈر شپ فل??طینی عوام دے نال یکجہتی دا اظہار کرݨ تے پاکستان دی قیادت دا شکریہ ادا کیتے، طیب اردوان وی آکھیے جو فل??طین دے حوالے نال جیڑھی ڳال انہاں دے دل اچ ہوندی اے او وزیراعظم عمران خان دی زبان تے ہوندی اے ۔ وفاقی وزیر اطلاعات آکھیے جو وفاقی کابینہ انسانی ہمدردی دی بنیاداں تے نہ صرف کووڈ دی صورتحال تے بلکہ ایندے علاوہ میڈیکل ایمرجنسی دی صورتحال کیتے فل??طین دی امداد دا فیصلہ کیتے ۔ کابینہ وزیراعظم کوں سعودی عرب دے کامیاب دورہ تے مبارخ ݙتی ۔انہاں آکھیے جو کابینہ دے اجلاس اچ رنگ روڈ دا معاملہ وی پیش آیا جیں تے میں کابینہ کوں پنجاب حکومت ولوں ملݨ آلی رپورٹ تے بریف کیتے ۔ انہاں آکھیے جو اے عمران خان دی حکومت ہی ہے جیں تے الزامات سامݨے آون تاں تحقیقات تھیندن ۔ وزیراعظم عمران خان اچ جرات اے جو ایجھے معاملات تے وی دلیرانہ اقدامات گھندن جیڑھیاں ٻیاں حکومتاں نی کریندیاں ۔
پاکستان فلسطین دے مسئلے تے واضح موقف اپنائے ، پاکستان کووڈ اتے میڈیکل ایمرجنسی دی صورتحال تے فلسطین دی امداد کریسی ، وفاقی وزیر اطلاعات چوہدری فواد حسین دی وفاقی کابینہ دے اجلاس توں بعد میڈیا کوں بریفنگ
مضمون کا ماخذ : کنگ کانگ روش
متعلقہ مضامین
