لاہور۔8مارچ(اے پی پی )وزیر عظم دی معاون خصوصی برائے اطلاعات و نشریات ڈاکٹر فردوس عاشق اعوان آکھیے جو صرف 8 مارچ ہی نئیں ہر ڈینھ تریمتیں کوں با اختیار بنڑاونڑ دا ڈینھ اے،وزیر اعظم عمرا ن خا ن جیڑھے ریاست مدینہ آلی کار اسلامی ریاست بنڑاونڑ اچ ردھے ہوئن ایندے اچ جے تئیں ساڈیاں تریمتیں معاشی ،سیاسی ،معاشرتی ، آئینی اتے قانونی محاذ تے عملی طورتے با اختیار اتے طاقتور نہ ہوسن پاکستان دا ریاست مدینہ دو ودھنڑ دا پندھ پورا نئیں تھی سگدا،چادر اتے چار دیواری پامال کیتے بغیر جگ ساڈے اگو کھلا ہوئے ،اساں جیڑھے پاسے ونجنڑ چاہووں ودھ سگدے ہیں،پاکست??ن اچ تریمتیں دے حقوق کیتے بے چین تنظیماں کوں مقبوضہ کشمیراچ تریمتیں نال تھیونڑ آلے مظالم کیوں نئیں ڈسدے؟ایندے تے اقوام متحدہ کیوں اکھیں مندریاں ہوئن۔اے گالھ انہاں ل??ور اچ تریمتیں دے عالمی ڈینھ سانگے ہک تقریب نال خطاب اچ آکھی اے۔انہاں آکھیے جو اج دا ڈینھ تریمتیں دے حقوق دے تحفظ دی یاد ڈیویندے،ساکوں مانڑ اے جو پاکست??ن اچ ہر شعبے دیاں تریمتیں ملک دا ناں اچا کرنڑ کیتے اپنڑیاں صلاحیتاں دا اظہار ??رینداں پین اتے حیاتی دے ہر شعبے تے اگو ہین۔ڈاکٹر فردوس عاشق اعو??ن انہاں پاکیزہ ہستیاں کوں سلام پیش کیتے جیڑھیاں تریمتیں ساڈے کیتے ہک مثال ہین،حضرت خدیجتہ الکبری سب توں پہلی تجارت پیشہ مسلمان خاتون ہن،او اسلام ہی آ جئیں آ تے دھیریں کوں جیندا پورنڑ دی ریت تروڑی،مائ، دھی، بھینڑاتے زال کوں او رتبہ ڈتے جیڑھا کہیں وی بئے معاشرے اچ کائنی،اسلام جھیاں تریمتیں دا تقدس بیا کتھائیں نئیں ملدا،قرآن پاک دی شکل اچ ہک اینجھا چارٹر آف ہیومن رائٹس آئے جیڑھاپورے جگ کیتے مثال اے،ساکوں صرف معاشرتی رویے بدلنڑن جیندے کیتے رل مل تے کم کرنڑ دی لوڑھ اے۔
،پاکستان اچ تریمتیں دے حقوق کیتے بے چین تنظیماں کوں مقبوضہ کشمیراچ تریمتیں تے مظالم کیوں نئیں ڈسدے؟ اقوام متحدہ کیوں اکھیں مندریاں ہوئن،ڈاکٹر فردوس عاشق اعوان داتریمتیں دے عالمی ڈینھ دی تقریب نال خطاب
مضمون کا ماخذ : لاٹری ایپلی کیشنز کے فوائد
متعلقہ مضامین
